Najattaaq Thomsen coronavirusimik tunillatsissimanani tusarami: Qullilivunga paasigakku
- Nuannaarsuaarpugut paasigatsigu...qullilivunga paasigakku tunillanneqarsimananga, aamma ilimaginngereeratsigu, kisianni sivitsorami paasisaqarnata, ilaquttagut ermunasaqattaaleramik ernumanarsilluni, Najattaaq Thomsen taama oqarpoq.
Tunillaassortunik nappaalasoqarneranut ataatsimiititaliarsuup innersuussutai:
- innuttaasut nunami aarlerinaatilimmeereerlutik nunatsinnut uternerminniit ulluni 14-ini tulliuttuni angerlarsimaannaqqusaapput.
- innuttaasut nunami aarlerinaatilimmeereerlutik nunatsinnut utersimasut napparsimmavinnut, utoqqaat illuinut illuutinullu allanut aarlerinaateqarfiulersinnaasunut ornigutinnginnissaat innersuussutaavoq.
Aaqqissuussat inunnit 1000-init amerlanerusunik peqataaffigineqarsinnaasut unitsinneqarnissaat kinguartinneqarnissalluunniit Tunillaassortunik nappaalasoqarneranut ataatsimiititaliarsuaq tallimanngornermi inassuteqarpoq.
Taanna ullaaq qulingiluat qaangilaarlugu tanneq marluk nakorsaanermiit sianerfigineqarami pissangasimaqaaq.
Nualluummimmi coronavirusimik tunillatsissimanerluni tunillatsissimannginnerluniluunniit paasitinneqartussaavoq.
Tunillatsissimananili paasitinneqarami.
- Angerlarusunneq, Najattaaq Thomsen tunillatsissimanani paasigamiuk taama oqarpoq.
AAMMA ATUARUK Timmisartumut ilaasut tamarmik coronavirusimik tunillatsissimanngitsut
Taanna Ummannami meeqqat angerlarsimaffianni sulisuuvoq, suliffimminiillu paarisanilu angalareerlutik Savalimmiuniit nunatsinnut ippassaq tikipput.
Taassuma timmisartorsuarmi sininnerani paarisaa timmisartorsuarmi inuunilulerpoq merialerlunilu.
- Halvtime sioqqullugu iterama, mittussaalluta, ingerlaannangajak paasivara niaqorluttoq meriarsimasoq, taava eqqarsarpunga susoqarsimasormitaavaana, taava politiit iserput misissuillutik nukappiararlu taanna paarisara oqaluullugu, Najattaaq Thomsen taama oqarpoq.
Utaqqineq sivisuvoq eqqarsaateqarnaqalunilu
Taakku Savalimmiuninngaaniit allamik aamma angalaqateqarput, taakkulu pingasuullutik coronavirusimik tunillatsissimanissaanik pasineqarlutik Kangerlussuarmi akunnittarfimmi mattunneqarallarput.
Taakku misissorneqarneri Danmarkimut nassiunneqarput ullaarlu tunillatsissimanatik
paasivaat.
Nunat aarlerinaatilittut pineqartut makkuupput:
- Italiami nunap ilai Emilia-Romagna, Lombardiet, Piemonte, Marche, Valle d’Aosta Venetolu.
- Irani tamarmi
- Kina (Hong Kong, Macau Taiwanilu minillugit)
- Korea Kujallermi nunap immikkoortua Gyeongbuk tassanilu illoqarfissuaq Daegu
Tusarfik: Nunatta tunillaassortunik nappaalasoqarneranut ataatsimiititaliarsua, Danmarkimi peqqissutsimut aqutsisoqarfik
Utaqqinerli sivisusimaqaaq.
- Soorunami taanna takkutillattaavoq, positivioriasaarpammi?! Asuki angerlarusunneq, toqqissisimannginneq immaqa aamma ataatassama uummataa ajoriarmat Danmarkimi suliaritittussaalluni, anaanaga kisimiilluni. Anaanama ernumanerujussuaq pigileriasaaramiuk, ernumaqataalerlunga.
AAMMA ATUARUK Kisitsisit nutaat: Coronavirusimik Danmarkimi tunillanneqarsimasut 156-iupput
- Tunillatsissimanermut pasitsaassaqartoqaruni imaluunniit tunillatsissimanermut ersiuteqartoqaruni peqqinnissaqarfik attavigineqassaaq. Kimut sianernissaq nalornissutigineqarpat Nakorsaaneqarfiup nittartagaa iserfigalugu napparsimaviup qaninnerpaap normua nassaarineqarsinnaavoq.
- Nittartakkami nun.gl-imi paasissutissaq amerlinikuupput.
- Tunillaassortunik nappaalasoqarneranut ataatsimiititaliarsuup innuttaasut marsip aappaata kingorna sumiiffinni aarlerinaateqartuniissimasut ulluni 14-ini angerlarsimaannarnissaat inassutigaa.
- Tunillatsissimanermut ersiuteqartut kisimik misissorneqarsinnaapput. Ersiutit tassaasinnaapput: Quersorneq, kissarneqarneq anersaartorniarnikkullu ajornartorsiuteqarneq.
- Tunillatsissimanermut ersiuteqaraanni napparsimmaviit utaqqisarfiinut ingiinnartoqassanngilaq.
- - Sianertoqaqqaassaaq. Napparsimasut napparsimmavimmi napparsimasunut allanut tunillaannginnissaat pissutigalugu aggiinnassanngillat. Taamaammat tunillatsissimasinnaaneq ernumassutigineqarpat takkunnissaq nalunaarutigineqaqqaassaaq, taamaalilluni takkunnissaanut allanut tunillaasinnaajunnaarnissaa pilersaarusiorneqaqqaassaaq, nakorsaaneq, Henrik Hansen oqarpoq.
