Kisitsisit nutaat: Coronavirusimik Danmarkimi tunillanneqarsimasut 156-iupput

Inuit 1000-nit ikinnerunngitsut coronavirusimik tunillanneqarsimanersut paasiniarlugu misissorneqarput, tunillanneqarsimasutullu paasineqartut amerliartortuarsinnarput.
Coronavirusimik Danmarkimi tunillanneqarsimasutut ataasinngornermili unnukkut 23-nik amerlisimasut paasineqarsimasoq, napparsimasut isumannaatsuunissaat pillugu aqutsioqarfiup ilisimatitsissutigaa. Assi © : Ritzau Scanpix
Allattoq Ritzau, Helle Nørrelund Sørensen
marsip 10-at 2020 08:03

Coronavirusumik Danmarkimi tunillanneqarsimasut amerliartortuarsinnarput.

Inuit 156-it Danmarkimi maannamut tunillanneqarsimapput. Statsministeri Mette Frederiksen, Danmarkimi marlunngornermi ullaap tungaani nalunaaqutaq aqqaninngortoq taama nalunaaruteqarpoq. 

Inuit 113-it Danmarkimi ullaaq manna arfineq-marlunngortoq tunillatsissimasut nalunaarutigineqaraluarpoq, maannali tassa 156-iullutik.

Tunillanneqarsimasut amerlassusaat ataasinngornermi kingullermik nalunaarutigineqarmata 90-iupput.

Amerliartortuarsinnarput, Danmarkimi ministeriuneq tusagassiortunik katersuutsitsinermi oqarpoq.

AAMMA ATUARUK Kangerlussuarmi coronavirusip annilaangatigineqarnera: Savalimmiunit angalasut pingasut mattunneqartut

Inuit katillugit 875-it maanna mattussaaqqaapput.

Inuit arfinillit tunillanneqarsimasut napparsimmavimmut unitsitaasimasut, napparsimasut isumannaatsuunissaat pillugu aqutsioqarfiup ataasinngornermi ilisimatitsissutigaa.

- Ataatsimut isigalugu ajunngillat.

- Ilisimasakka naapertorlugit peruluttortaqanngimmata nakorsarneqarnissamik pisariaqartitsisoqanngilaq, pisortaq Anne-Marie Vangsted napparsimasut isumannaatsuunissaat pillugu aqutsioqarfimmeersoq tusagassiortunik ataasinngornermi ualikkut katersuutsitsinermi oqarpoq.

Aamma atuaruk