- Ulloq tupinnaqaaq tulluusimaarnaqaarlu. Kajumissaaserneqarneq pisussaaffiliivoq, siunissamut aammali sulininni, Najaaraq Thorin nuannaaqisoq nersornaaserneqarnermini oqarpoq.Assi: Jonathan Motzfeldt Fond

Najaaraq Thorin Jonathanimik kajumissaaserneqartoq

Kajumissaammik nersornaaserneqartup piffissap sivikitsup iluani KNI-mi atorfeqarnermini KNI-mi aqutsisunngorniarneq, sulisut piginnaasaannik ineriartortitsineq suliffeqarfiullu nuannersumik avatangiiseqarnissaa ineriartortitseqataafigisimavai.

Najaaraq Thorin Jonathan Motzfeldtip Aningaasaateqarfianit nersornaammik kajumissaasarneqaqqammerpoq. Nersornaat allagartamik nersornaatitaqarlunilu 50.000 koruuninik aningaasartaqarpoq.

Najaaraq Thorin KNI A/S-imi 2018-imi oktobarimi siunnersortitut atorfinippoq.

Najaaraq Thorinip piffissap sivikitsup iluani KNI-mi atorfeqarnermini KNI-mi aqutsisunngorniarneq, sulisut piginnaasaannik ineriartortitsineq suliffeqarfiullu nuannersumik avatangiiseqarnissaa ineriartortitseqataafigisimavai. Najaaraq inussiarnersutut, qungujulasutut immikkoortitsinngitsutullu aamma nuannaartutut, isumassarsiorfiulluarsinnaasututut oqaatsinullu pikkorissutut nassuiaatigineqarpoq.

Tamaammallu nersornaaserneqartoq, Jonathan Motzfeldtip Aningaasaateqarfiata tunngavilersuutigaa.

- Ulloq tupinnaqaaq tulluusimaarnaqaarlu. Kajumissaaserneqarneq pisussaaffiliivoq, siunissamut aammali sulininni. Kajumissaaq eqqaamajuaannarumaarpara suliassannut ajunngitsorpassuarnut, Najaaraq Thorin nuannaaqisoq nersornaaserneqarnermini oqarpoq.

KNI-p Sisimiuni Kiffartuussiviani nersornaasiineq ingerlanneqarpoq. Nersornaaserneqartup ilaqutai Sisimiunilu KNI-mi sulisut tamarmik aaqqissuussinermut aggernarneqarput.

Ataqqinarluartoq

Aningaasaateqarfik 1998-imi pilersinneqarpoq, tassanngalu nunatsinni tamanut iluaqutaasussamik tapersiinissaq siunertaalluni. Aningaasaateqarfiup siulersuisuisa inuusuttuunerusunut immikkut ittumik iliuuseqarsimasunut immikkuullarilluinnartumilluunniit piginnaasalinnut nersornaammik tunniussisoqartalernissaa 2015-imi aalajangerpaat.

Aningaasaateqarfimmik legantik qinnutigineqarsinnaanngillat, siulersuisunili ilaasortat ataasiakkaat innersuussuteqarsinnaallutik. Tamatuma kingorna siulersuisut ataatsimoorlutik aalajangiisarput.

- Ataqqinarluarpoq aamma Najaaraq suliffeqarfinni angisuuni sulisunut aqutsisunngorniarnerup iluani angusaqarluartarmat, tamannalu inuiaqatigiinnut kalaallinut iluaqutaassaaq, Jonathan Motzfeldip aningaasaateqarfiani siulersuisut siulittaasuat, Karen Motzfeldt oqalugiaammini oqarpoq.

Najaaraq Thorin Jyllandip Avannaani University Collegemit nunat tamalaat akornanni niuernermik nittarsaassinermillu ilinniagaqarpoq.

Jonathan Motzfeldt 2010-mi toquvoq. 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat