Naggueqatigiit Inuit Torngat Canadamiunut tunissutigaat
Canadami nunat allanngutsaaliukkat 42-upput, kingullerpaarlu immikkoorluinnaq ittuulluni. Taanna tassaavoq Labradorimi Nunatsiap ilaani Torngat qaqqaanni nuna allanngutsaaliugaq. Taanna Labradorip avannamut killinga tamakkerlugu annertutigaaq, kujataani Saglekip kangerluaniit Labradorip avannamut killinga, Nunavimmut killeqarfik atorlugu annertutigisoq. Nunaavoq allanngutsaaliugaq 9.700 kvadratkilometerisut annertutigisoq Sjællandimit annerusoq, portusuunik qaqqaqarluni, kangeqarluni, iluliaqarluni uumasorpassuaqarlunilu, tassami tamaani nannut, tuttut, arferit puisillu uumasuupput
Allanngutsaaliugaq Toorngat aneraat inuit tamaani najugaqarsorisaat atsiullugit taaguuteqarpoq.
Allanngutsaaliukkap Toorngat immikkoorutaat tassaavoq inunnit Nunavummiunit, Nunatsiavummiullu Canadami naalakkersuisut suleqatigalugit aqunneqarmat. Allanngutsaaliugarmi Nunatsiavup nunamullu piginnittussaanermik isumaqatigiissutip ilagaa. Tamatumunnga pissutaavoq inuit nunavummiut tamaani aasisarfeqarlutillu ukiiffeqartarmata sulilu tamaani piniarlutillu aalisartarlutik, taamaalillutilu nunamut allanngutsaaliukkamut oqartussaaqataallutik. Taamaallaat tamaani inuit aalisarsinnaatitaapput, piniarsinnaatitaallutik aallaaseqarsinnaatitaallutillu.
Torngat Canadami nunat allanngutsaaliukkat alianaannersaasa ilagaat, Toby Andersenillu Nunatsiavumiup oqarnera naapertorlugu, Inuit Canadamiut tunissutigalugu.
