Naggueqatigiit Inuit takoqqinnerat ukiuni 25-nngornerat nalliussineqarpoq

Sorsunnerup nillertumik taasap Europa ukiuni 40ni avissaaqqatissimaneratut nagguteqatigiit inuit Bering-ip ikeraasaaniittut avissaaqqasimapput,  Innaluttoq Alaskamut atalluni Imallerlu Sovjetunion-usimasumut Chukotkamut atalluni.

Naggueqatigiit inuit Bering-ip qeqertaaniittut ukiuni untritilinni ilisarisimasimallutik piniaqatigiittarsimallutillu  sorsunneq nillertumik taasaaq pilermat avissaartinneqarput  attaveqatigiissinnaajunnaarlutillu.

Qeqertat marluk  Bering-ip ikerasaaniittut Innaluttoq Alaskamut atasoq Imallerlu Rusland-imut atasoq kilometerinik  arlaliallunnguanik imminut ungasitsigipput,   avissaqqanerullu nalaani,  tassalu ukiuni 40ni  ilaqutariit qinngutit atorlugit imminnut ilassiuutarput aalaterisarlutillu.

Ukioq 1988 sorsunnerup nillertumik taasap qaanngikkiartornerani   Alaskami nunaqarfimmi  Nome-mi angutit pingasut sapiillisaarlutik  aalajangerput senator-imut ilaasortaq  naggueqaterput inuppiaq Willie Hensley  allat 90it ilagalgugit Rusland-imut  Chukotka-mut Imallermut timmisartumik tikeraassasut.  Imallermut tikeraarnermi oqaluttuarisaanermi siullermeertumi naggueqatigiit Inuppiaat Youpiilli amerlaqatigiillutik ilaqqutaminnut ikerasaap Bering-ip illuatungaaniittumut tikeraarput.  

Timmisartoq Imallermut tikimmat nuannannersuaqarpoq ilaqutariillu ukiut 50ingajaat takusimanatik takummaapput qullilisoqarlunilu.

Suliniut taanna qeqertart marluk akornanni timmisartumik nalinginnaasumik  ingerlaarffigineqartarneranik kinguneqanngitsoorpoq, taamaakkaluartoq avissaaqqasimaneq sorsunnerup nillertup nalaani pisoq unitsinneqarpoq.  

Qeqertat taakkua marluk akornanni kulturikkut paarlaasseqatigiinnernik aaqqissuussinneqartarpoq ilaqutariillu  attavigeeqqittalernerannik kinguneqarluni,  Willie Hensley nalliuttorsiornermut atatillugu oqalugiarami oqarpoq.