Naammannersut qularigaa
Demokraatineersup Justus Hansenip amerikamiut nunatsinni sakkutooqarfigisimasaanni saliinissaq pillugu ullumi isumaqatigiissutigineqartoq nuannaarutigaa.
- 150 millionit koruunit nuannaarutigaakka, naammassanersulli naluara, nunanut allanut sillimaniarnermullu ataatsimiititaliaanni siulittaasup tullia unnukkut radioavisimi oqarpoq.
AAMMA ATUARUK USA-p qimataanik saliinissaq Danmarkip akilerniaraa
Nunatsinni sumiiffiit ikinnerpaamik 32-it saliiffigineqartarsinnaasorujussuupput. Tamannalu pissutigalugu nunanut allanut sillimaniarnermullu ataatsimiititaliap sumiiffiit mingutsitsiffiunerpaajusunut salliussinissamik siunnersuuteqarneranut pissutaasoq Justus Hansen oqarpoq.
- Taannalu aallaavigalugu saliinerit mingutsitsiffiunerpaajusuni aallartillugit, Justus Hansen oqarpoq.
AAMMA ATUARUK Kielsen glæder sig over at Danmark tager ansvar
150 millionit koruunit saliinissamut naammannersorinerlugit nunanut allanut sillimaniarnermullu ataatsimiititaliami siulittaasup, Ane Hansenip, oqaatigisinnaanagu oqaatigaa.
- Kisianni tusaavara, statsministerip neriorsuutigerpalukkaa, amerikamiut sinerissami mingutsitaannut, taavalu Camp Centurymut saliinissat naammassineqarnissaat siunertaralugu suliaq aallartinneqartoq. Taanna neriorsuut pingaaruteqartorujussuuvoq. Aamma taama neriorsuuteqaramik saliinissaarsuaq aallartikkunikku aamma naammassillugu suliariumaaraat tatigivarput upperalugulu, Ane Hansen oqarpoq.
