Naammagittaalliuut EU-mit akimmisaartinneqarpoq

Pisiniarnissamut itigartitaaneq WTO-mit misissorneqassasoq Norgep piumasarisimavaa, taakku isumaqaramik WTO-p niueqatigiinnermut aalajangersagaat unioqqutinneqartut.

WTO-mut suliakkiineq pissuteqarpoq Norge EU-mut ilaasortaannginnami. WTO-p aaqqiagiinngittoqarnerani aaqqiissutissiortartut EU-llu ataatsimiinneranni suliassaq EU-mit kinguartinneqarpoq.

Aaqqiagiinnginneq puisit neqaannik niuernermut kisimi tunngaveqanngitsoq Norge isumaqarpoq, isumaqaramik aaqqiagiinnginneq WTO-mi nunat ilaasortat immap pissarititaanik niuernerannut aamma tunngasuusoq.

Ataatsimiinnerup aallartinnginneranni Norge-miut aallartitaasa apeqqut taannarpiaq WTO-p ataatsimiititaliaannut allamut, tassalu niueqatigiinnermi teknikkikkut akornutaasinnaasut pillugit ataatsimiititaliamut, TBT-mut ingerlatikkaluarpaat.

EU-mit taakku ataatsimeeqatigineqarneranni EU aamma isummaminik allanngortitserusunngilaq.

EU-p inerteqquteqarnera Islandip Inatsisartunut ilaasortaasa akornanni aamma aaqqiangiinngissutaalerpoq.

Nunanut allanut ministerip, EU-mik iluarisallip, Össur Skarphedinssonip Norge illersorusussimanngilaa kingorna aamma Canada illersorusussimanagu.

Kisiannili Islandimiut isumaat allanngortinneqarput, Islandip nunalerinermut aalisarnermullu ministeriata, marsip ulluisa 25-anni Norgemut Canadamullu illersuinini nalunaarutigimmagu.