Naalungiarsuit 31-it Gazami napparsimmavimmit ambulancenit qimagussuuneqarput
Nakorsat pingasut peqqissaasut marluk naalungiarsuillu inorlutik inunngortut 31-it Gazami napparsimmavimmit al-Shifa hospitalimit arfinngornermi ullaakkut qimagussortinneqarput.
Gazami napparsimmaviit pisortaata Mohammed Zaqut-ip nutaarsiassaqartitsivimmut AFP-mut tamanna
Ikiuniaqatigiiffimmit Røde Halvmånemit tamanna uppernarsarneqarpoq.
Napparsimmavimmi uninngasut hundredelikkat, nakorsat peqqissaallu Gazamilu qimaasut, Gazami napparsimmaviit annersaanit al-Shifamit qimagussortinneqarput.
Naalungiarsuit inorlutik inunngortut 30-it missaanniittut napparsimmavimmilu sulisut ilai napparsimmavimmiiginnartariaqarsimapput.
Egitsinimukaanneqassapput
Israelimiut sakkutuui pingasunngormalli napparsimmavimmi al-Shifa hospitalimiilerput, tamannalu Naalagaaffiit Peqatigiit peqqinnissakkut suleqatigiiffianit WHO-mit ajorluinnaqqissaartutut taaneqarpoq.
Ikiuiniaqatigiiffimmit Røde Halvmånemit nalunaarutigineqarpoq, naalungiarsuit inorlutik inunngortut 31-it ambulancenit Gazap kujasinnerusortaanukaanneqartut
Taakkua Igitsinimukaanneqarnissaat pilersaarutaavoq.
Napparsimmavimmi al-Shifa hospitalimi uninngasut sulisullu højtalerit atorlugit arfininngornermi ullaakkut nalunaarfigineqarput, akunnerup ataatsip ingerlanerani qimagussortinneqarnissaminnut periarfissaqartut.
Napparsimmavimmit oqaatigineqartoq naapertorlugu Israelimiut sakkutuui taama peqqussisimapput
Sakkutuut aqutsisoqarfia
Tamanna ilumuunngitsoq Israelimiut sakkutuuisa oqaaseqartittagaat attaveqatigiittarfimmut X-mut taana oqarpoq.
Napparsimmavimmiittut qimagussortinneqarnissaat napparsimmavimmi al-Shifami aqutsisut nammineq peqqusineratigut pisimasut Israelimiut sakkutuui oqarput Israelimiut sakkutuui napparsimmavimmut pingasunngornermi unnukkut iserteramik taakkua oqaatigaat, Islamisiortut Hamas-ikkut sakkutuuisa aqutsisoqarfiat napparsimmavimmiittoq.
Hamasikkormiunit oqaatigineqartoq naapertorlugu napparsimavimmi uninngasut 650-it Gazamiilu qimaasut 5000-it 7000-illu akornanni amerlassuseqartut napparsimmaveqarfimmiittut
Naalagaaffiit Peqatigiinnit aallartitat arfinngornermi napparsimmavimmiissimasut uninngasut sulisut qimaasullu ikinnerusutut nalilerpaat. Israelimiut sakkutuui napparsimmavimmut iserternissaat sioqqullugu inuit 2300-it napparsimmavimmiittut FN-imit oqaatigineqarpoq.