Naalakkersuisuusimasut DIISip pinngitsuunerarpai

- Tapersersuisuusaarnermik oqalunneq tunngavissaqartinngilarput, nalunaarusiami, taaguutilimmi "Et er jura at forstå, et andet land at føre", ilisimatuut Dansk Institut for Internationale Studier-meersut (DIISimeersut) ullaaq manna saqqummiussinerminni inerniliipput.

Danmarkimi siusinnerusukkut naalakkersuisut nalaanni qallunaat atorfillit tamanut saqqummiussigaangamik  oqartarsimaneragaapput, timmisartuussisarnerit pillugit akissummik amerikamiunut piumasaqareerlutik, amerikamiunullu oqartarsimallutik pisoq nipangersarniarlugu, tassalu tamanna Nunanut Allanut Tunngasunik Danmarkimi Ilisimatusarfiup ukiup affaa misissuivigereerpaa.

USA-p Danmarkimi aallartitarisimasaata, James P. Cainip, nalunaarusiaani isertortumi tamanna atuarneqarsinnaavoq.

Pisuutitsinerilli DIIS-ip nalunaarusiaani ilumuunnginnerarneqarput.

Misissuinerit Inuttut Pisinnaatitaaffinnik Illersuiniaqatigiiffimmit, Amnesty Internationalimit arlaleriarlutik isornartorsiorneqartarput, inerniliussallu tupaallaatiginngilaat.

- Sumilluunniit uissuumminngilagut, DIIS-imi sukumiisumik misissuisitsinissaminut killeqartorujussuuvoq, Amnesty Internationalimi tusagassiisartut pisortaat, Ole Hoff-Lund, aviisimut Politikenimut oqarpoq.

Siunnersortaaneq, Morten Heiberg, ilisimatusarsimasoq soraarneq, Svend Aage Christensen, aamma ph.d-nngorniat Mikkel Runge Olesen Gry Thomasenilu nalunaarusiortuupput.        Siornatigut eqqartuussisuuneq Jørgen Jochimsen nalunaarusiornermi aamma suleqataavoq.