Inatsisartunut ilaasortap, Lars Poulsenip qilalugartassiissutit amerlineqalersaarnersut paasiniarpaa.

Naalakkersuisut tunumi qilalugartassat amerlinianngikkaat

Tunu tamaat qilalukkanik qernertanik pisassiissutit ukiormanna 40-pput, taakkua ukiut marluk tulliini affaannanngortinneqarnissaat Naalakkersuisut pilersaarutigaat.

Tunumi tamarmi qilalukkanik qenertanik pisassiissutit ukioq mannamoortut 40-upput taakkulu amerlineqalersaanngitsut, Inatsisartunut ilaasortap, Lars Poulsenip Siumumeersup Naalakkersuisunut apeqqutaata akissutaani allaqqavoq.

Taassuma pisassiissutit 50-it sinnerlugit ilaneqarnissaat pilersaarutaanersoq paaserusuppaa.

- Naalakkersuisut Tunumi qilalukkanik qernertanik pisassiissutit 50-inik amerlanerusunilluunniit amerlineqarnissaa pillugu nalunaaruteqarsinnaanngillat, piniarnermut naalakkersuisoq, Aqqaluaq B. Egede allappoq.

2022-mi affaannanngussasut

Naalakkersuisut maannamut pisassiissutit 2023-p tungaanut ikiliartuaartinneqarnissaannut pilersaarutip allanngortinnissaanut, uumassusilerituut tunumi qilalukkat qernertat pillugit nutaamik inassuteqaasiornikuunnginneri peqqutigalugit allanngortitsisinnaanngikkallartut, naalakkersuisoq aamma allappoq.

Tunu tamaat qilalukkanik qernertanik pisassiissutit ukiuni marlunni tullerni ukiumut qulinik ikilineqartarnissaat pilersaarutaavoq. Tassa imaappoq aappaagu 30-nissaat 2023-milu 20-nissaat pilersaarutaavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat