Naalakkersuisut takornariat akiliutaat atorunnaarsinniaraat

Takornariat umiarsuarmik tikittartut akitsuutinik akiliisarunnaarneratigut suliffissanik pilersitsisoqassasoq naalakkersuisut oqariartuutigaat.

Ullaap tungaa tusagassiortunik katersortitsinermi Naalakkersuisut Inatsisartut ukiaanerani ataatsimiinnissaannut siunnersuutitik saqqummiuppaat. Tassanilu inatsisissatut siunnersuutigineqarpoq takornariat umiarsuarmik tikittartut akitsuutinik akiliisarnerat atorunnaarsinneqassasoq.

- Susassaqartut qanoq siunnersuuteqarnersut tusaaniartuaannarpagut. Susassaqartut siunnersuutaat tusaaneratigut taamatut siunnersuuteqarpugut.

AAMMA ATUARUK Umiarsuarmik takornariarneq allanngoriartorfiuvoq

- Siunnersuutitta nassatarissavaa unammillertitsinninngaanniit kajuminnarnerunissarput, Aleqa Hammond oqarpoq.

- Massakkut akiliutaasartoq 550 koruuniuvoq, uagullu siunnersuutigaarput peerneqassasoq, tamannali Inatsisartuni isumaqatugiinniutigineqassaaq, Aleqa Hammond nassuiaavoq.

AAMMA ATUARUK Umiarsuarnik takornariartaatinik isumaginninneq pitsanngorsarniarneqarpoq

Kingullermik takornarianut umiarsuarmik tikittartunut akitsuut 2008-mi 450 koruuniniit 525 koruuninut allanngortinneqarpoq - massakkullu akiliutigineqartartoq piivinniarneqartutut isikkoqarpoq.

Sapaatip akunnerata siuliani KNR-imi allaaserineqarpoq 2015-imi anigaasanut inatsisissatut siunnersuummi takuneqarsinnaasoq Visit Greenland 1,6 millioninik, aningaasaliissutaareeraluartunik, annaasaqassasoq.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat