Politikki Kulturi

Assit: Naalakkersuisut siuttui angalaqatigiittut

Naalagaaffeqatigiinni nunat siuttui Savalimmiuni qeqertat kujallersaannut Suðuroyimut ullumi ataasinngornermi tikeraarmata, savalimmiormiut erfalasuat siulleq, tarajuusivissuaq allanngortitigaq, niuertoqarfiusimasumilu oqaluasaat sammineqarput.
Ministeriuneq Lars Løkke Rasmussen Savalimmiormiut erfalasuata Merkiðip siulliup saavani. Erfalasoq nunaqarfeqqap Fámjinip oqaluffeeraani nivingavoq.
Naalakkersuisut siulittaasuata Kim Kielsenip nuliatalu oqaluffiup oqaluttuassartaanik saqqummiisoqarnera
Savalimmiormiut lagmandiata, Aksel V. Johannesenip, Naalakkersuisut siulittaasuata, Kim Kielsenip nuliatalu Jens Oliver Lisbjergip ilerrata saavani
Oqaluffiup alakkarternerata kingorna pisuttuartoqarpoq
Savalimmiormiut nipilersoqatigiit Tróndur Enni aamma Liv Næs, kulturikkut illorsuarmi SALT-imi tusarnaartitsipput
Naalakkersuisut siulittaasuata, Kim Kielsenip nipilersortut Tróndur Enni aamma Liv Næs oqaloqatigai Assi © : Helle Nørrelund Sørensen
Kulturikkut illorsuaq SALT
Qanga niuertarfiusimasoq ullumikkullu sutorniartarfiullunilu imerniartarfiusoq aamma alakkarneqarpoq
Aalisakkerivik Vardin Pelagic aamma pulaarneqarpoq
Allattoq Helle Nørrelund Sørensen
juunip 11-at 2018 16:51
Nutserisoq Simon Uldum

Naalakkersuisut siulittaasuisa nuliatik atorfilittatillu angalaqatigiinneranni ilaatigut tarajuusivissuusimasoq ullumikkullu kulturikkut illorsuatut atorneqartoq SALT alakkarneqarpoq. Kulturikkut illorsuaq ilaatigut A. P. Møller Fondenimit Savalimmiunilu Namminersorlutik Oqartussanit aningaasaliiffigineqarluni pilersinneqarpoq.

AAMMA ATUARUK Naalagaaffeqatigiit peqqumaasivitoqqami ataatsimiissapput

Ullup qeqqata kingorna nunaqarfeeraq Fámjin tikeraarpaat. Savalimmiormiu ilinniarnertooq Jens Oliver Lisbjerg tassani inunngorpoq. Taassuma Københavnimi ilinniartuunermini 1919-imi Savalimmiormiut erfalasuannik suliarinnittuuvoq. Erfalasorlu Fámjinip oqaluffeeraani ullumikkut nivingavoq.

Politikerit aalisakkerivik Vardin Pelagic aamma pulaarpaat. Aalisakkeriviup 2017-imi ikuallannera ingerlatseqatigiiffiullu ilaatigut avaleraasartuunik, ammassassuarnik, ammassannik kapisilinnillu tunisassiornera avammullu nioqquteqarnera oqaluttuarineqarput.

AAMMA ATUARUK Kielsen Naalagaaffeqatigiit Savalimmiuni ataatsimiinissaannut peqataavoq

Aalisakkeriviullu akiani, qanga niuertarfiusimasumi ullumikkullu imerniartarfiusumi aqutsisup Anna Kirstiin Thomsenip illup oqaluttuassartaa politikerinut oqaluttuaraa tinnersalaarlunilu.

Ualimmat, politikerit qeqertamut Stóre Dímmimut ingerlaqqipput. Qeqertaq taanna qulingiluaannarnit najugaqarfigineqarpoq. Ulloq naggaserlugu lagmand Aksel V. Johannesen tikeraaminut nerisitsissaaq.

Aamma atuaruk

Politikki

Piniartut nalunaaquttap allanngortinnera pillugu isummersortut

Qupanuk Olsen: Nalunaaqutaq ullormut malinnaalerseqqissavarput

Atassut: Naalakkersuisooqatigiit akileraarutinik oqilisaassinerat qineqqusaarutaavoq