Naalakkersuisut piumasaraat umiarsualiviit amerlanerit atuisunit akiliiffigineqartalernissaat

Aslak Jensen (S) naapertorlugu Nuummi aalisartut umiarsualivimmik atuineq akilertassanngilaat. KNAPK-mi siulittaasup tulleraa  Nuummilu aalisartut piniartullu peqatigiiffianni NAPP-imi siulittaasuulluni.

Kalaallit Nunaata sinnerani taamaaliortoqarneq ajormat Nuummilu aalisartunut naapertuilluanngitsuummat tunngavilersuutigaa, allani taamaaliortoqarneq ajormat.

Sikuki Habour A/S Nuummi umiarsualivimmik ingerlatsisuuvoq, umiarsualivittaaq 2017-imi atulersoq amma umiarsualivitoqaq.

Sikuki A/S ingerlatsiviuvoq aningaasaqarnermut inatsisinit aningaasaliffigineqarneq ajortoq. Atuisut akiliutaannik aningasaqartinneqarpoq, assersuutigalugu aalisartut akiliigaangata.  

Kisianni umiarsualiviit angallatillu allat aamma umiarsualivimmik atuiumallutik akiliisassapput. Assersuutigalugu tassaapput umiarsuit takornariartaatit,kilisaatit aamma Royal Arctic Linep assartuutai.  

Kisianni aalisartut angallatilu allat umiarsualimmik atuinermut qanoq akiliisassappat?

Sikuki Habourip akigititai naapertorlugit  aalisakkat qaleruallillu usingiaatigissagaanni koruunit ton-imut 38,64 akiliutigineqartassapput. Taavalu pisartakkat assigiinngitsut aalisartut aningaasartuutigisarpaat apeqqutaalluni kommunip umiatsinut talittarfii imaluunniit umiarsualivimmi talittarfiit atorneqartarnersut.

Kommunip talittarfiutai aalisartut atortarunikkit Sikuki Harbourimut akillisassanngillat. Kisianni aalisartut umiarsualiviup talittarfiani inissaqassagunik ukiup affakkaarlugu koruuninik 9.937-nik akiliisassapput.

Aserfallatsaaliinissamut atuisut akiliisarnerat pingaartuuvoq

Politikerimut Aslak Jensen (S)-imut uterutta massakkut  På nuværende tidspunkt er han på orlov fra Inatsisartunit sulinngiffeqarallarpoq eqqartuussisisutigut suliaq pissutigalugu, kisianni taanna allarujussuuvoq.

Sulinngiffeqartinnani Nuummi umiarsualivimmi atuisut akiliisarnerat pillugu Naalakkersuisut aperai. Aalisakkanik tunisinermi akit appasinneri pissutigalugit umiarsualivimmik atuinermut akiliut peerneqartariaqartoq isumaqarpoq.

Tassami corona peqqutigalugu aalisakkat tunisinermi akii apparujussuarput.

Kisianni Naalakkersuisut umiarsualivimmik atuinermut akiliutit atorunnaarsinneqarnisaannut pilersaaruteqanngillat. Akilutit Betalingerne er vigtige for at dække de udgifter, Sikuki Nuuk Harbour A/S-ip ingerlatsinermut, aserfallatsaaliinermut, aningaassanillu atukkanik akilersuinermut  aningaasartuutaasa matuneqarnissannut pingaaruteqarput, allakkatigut akissummi taama allassimavoq.

Aslak Jensen saniatigut isumaqarpoq assigiinngisitsinerusoq Nuummi aalisartut kisimik umiarsualivimminnik atuinermut akiliisassammata. Ilimanarpoq allanngortinneqarnissaa Naalakkersuisuini suliarineqassasoq.

Tassami Attaveqaasersuutinut Naalakkersuisoq Mariane Paviasen (IA) akivoq Naalakkersuisut kisaatigigaat umiarsualiit amerlanerit Namminersorlutik Oqartussanit pigineqartut atuisunik akiliisitsisalissasut.

- Tamanna tunuliaqutaralugu illoqarfinni arlaqartuni atuisunut akiliuteqartitsiartuaalernissaminnik, taamaalillunilu umiarsualiviit akimorlugit unammilleqatigiinnermik, atuisunullu akiliuteqartitsisarnermut tunngatillugu naligiilersitsinissaminnik Naalakkersuisut sulissuteqarput

- Atuisunut akiliuteqartitsisalernikkut immikkoortiterineq kisimi pinngitsoortinneqassasoq naatsorsuutigineqanngilaq, aammali aserfallatsaaliinissamut aningaasat amerlanerusut immikkoortinneqartalernissaannut tapertaassalluni. Aserfallatsaaligassat aserfallatsaalineqartannginnerisigut umiarsualiviit atorneqarsinnaanissaannut periarfissat kisimik sunnerneqaratik, isumannaassusaat aamma sunnerneqartarpoq, taamaattumillu atuisunut akiliuteqartitsisalernissamut suliaq annertuumik pingaartinneqarluni.