Naalakkersuisut pilersaarusiaq oqallisigerusunngilaat
Nuna tamakkerlugu pilersaarusiamik nutaamik aappaagu saqqummiissallutik siulittaasup aamma oqaatigaa.
- Nunaqarfimmi innuttaasut qulaatiinnarlugit sulisoqarsinnaanngilaq, aamma taanna aqqutissaanngilaq. Taamaammat uani aamma peerparput, taakkua oqaluuserisassaninngaanniit. Uani nutaaq tassa aappaagu naatsorsuutigineqassaaq, taama Kim Kielsen Qanoruumi oqarpoq.
Pilersaarusiap imarisaa oqallisigissallugu sooq soqutiginartuunnginnersoq, Kim Kielsen suli akinngilaa.
Aamma atuaruk VIDEO Nuna tamakkerlugu pilersaarusiaq Kim Kielsenip atortussaajunnaarsippaa
Nunaqarfiit ilaasa aaqqissuulluagaasumik torersumillu matusiniarnissamut pilersaarusiniarnissamut Inuit Ataqatigiininngaanniit akerlilerpaat, kisiannili Sara Olsvig oqallisiginissaaanu qilanaaraluarsimavoq.
- Inuit ataqatigiinnniit soorunami inersuarmi oqallisiginissaa pingaartillutigu qilanaarisimagaluarparput. Imarisaatigut imaannaangitsigisunik imaqarmat, isumaqarpugut pingaarutigilluinnaraluartoq inersuarmi partiit akornanni sukumiisumik uuma oqallisigineqarnissaa, Sara Olsvig taama oqarpoq.