Naalakkersuisut nutaat aqagu

Kalaallit Nunaata nalunaaqutaa malillgu, aqagu ullaaralaakkut arfinermut Lars Løkke Rasmussenip naalakkersuisut venstremit aqunneqartut nutaat dronningimut ilisaritissavai. Tamanna Christian VIIs palæmi Amalienborgimi pissaaq.

Akunneq ataaseq qaangiuppat Helle Thorning Scmidt naalakkersuisullu kingulliit takkutissapput pisortatigoortumik droninngimut qujaniarniarlutik.

Tamanna Kunngikkormiunit tusagassiutinut nalunaarutigineqarpoq.

Venstremit naalakkersuisut kisimik

Tassani allassimavortaaq, Løkkep dronninngi nalunaarfigisimagaa, Venstremiit aqunneqartunik naalakkersuisuutitaqartussanik amerlanerussuteqartunik tapersersuisunik pilersitsisimalluni.

Ministeriunerugallartup Helle Thorning Scmidtip taamaalilluni dronningi siunnersussavaa Lars Løkke Rasmussen naalakkersuisuutitaqalernissaanut. Inassut dronninngip Venstrep siulittaasuanut ingerlateqqitaa.