Naalakkersuisut nunatta avannarsuani ilisimatusarsinnaatitsipput
![Zackenberg](/sites/default/files/styles/image_934x467/public/article_images/luftfoto_af_zackenberg_foto_credits_h_spanggard_aarhus_universitet.jpg?itok=e4oB9Q84)
Zackenberg issittumi misissueqqissaartarfiuvoq annerpaaq, Aarhus Universitetimiit ingerlanneqartoq aserfallatsaaligaallunilu, suleqatigiinnermik isumaqatigiissut aappaagu atorunnaartussaavoq. Arhusimiit ingerlatsisut saniatigut uumassusilerisut pinngortitaleriffimmeersut nunamillu uuttuisartut Asiaq-meersut Zackenbergimi misissuisartuupput.
Misissueqqissaartarfik issittumi silaannaap allanngoriartornerata pinngortitamut qanoq sunniuteqartaneranik annertuumik misissuiffiuvoq.
Danmarkip Kalaallit Nunaatalu akornanni suleqatigiinnerup ilisimatusarnermut sumiiffissaqartitsinerat aningaasaliinerallu, Nunatta avannaarsuata kangiani ilisimatusarnermik ingerlatsivimmik ilisimatuussutsikkut ingerlatsisup, Niels Martin Smchidtip, nuannaarutigaa.
- Ilisimatusarnermik ingerlatsiviusumik Zackenberg-itut ittumik ingerlataqarniarneq nunarsuatta inuilaarsuani ajornassagaluarpoq suleqatigiilluarsimanngikkaanni kiisalu ingerlatsinissamut taperneqarsimanngikkaanni, Niels Martin Schmidt oqarpoq.