Martin Breum: Naalakkersuisut nunanit tamalaanit isiginiarneqartut
Ingammik Rusland Issittumi sakkutuuminik amerlisaavoq, taamaaliorneralu tamaani sakkutooqarnikkut pissangartorsiortitsilersinnaasoq, Illersornissaqarfiup isertortumik paasiniaasarfia navialiffiusinnaasunik ukiumoortumik naliliinermini sapaatit akunneranni kingullermi allappoq.
Issittumut isiginiarnerulernikkut aamma nunatta Naalakkersuisuisa oqariartuutigisartagaannut isiginiarnerulerfiusoq, tusagassiortoq nunatsinnullu tunngasunik arlalinnik atuakkiaqartoq, Martin Breum, naliliivoq:
AAMMA ATUARUK PET Nunatsinni immikkoortortaqarfeqalersoq
- Issittumi politikkimik suliaqarfiusuni - soorlu Issittumi Isumasioqatigiittarfimmi, Danmarkip USA-llu imminnut attaveqatigiinneranni Kalaallit Nunaat peqatitut pingaruteqaleraluttuinnarpoq, kalaallillu politikeriisa oqaasii tusarnaarneqarneruleriartorput, Breum oqarpoq.
Taamaammat kalallit politikeriisa nunani tamalaani oqallinnermi sunik nalunaaruteqarnerlutik eqqumaffigisariaqarpaat:
AAMMA ATUARUK Issittumi suleqatigiinneq sakkutuunik amerlisaanermit aporfilersugaasoq
- Matumani nunatta siunissamut ungasinnerusumik suli pilersaaruteqarnersoq ilisimassallugu USA-mut allanullu Issittumut sinerialinnut soqutiginarpoq - tassalu Kalaallit Nunaat siunissami ungasinnerusumi NATO-mut ilaasortaassanersoq nalornissutaassanersoq allallu. Uangami kalaallit politikeriinik oqaloqateqartarama nalungilara, Kalaallit Nunaanni arlaannaataluunniit NATO-mit ilaasortaajunnaarnissaq takorluunngikkaa, Breum oqarpoq nangillunilu:
AAMMA ATUARUK Ministerip sakkutooqarnikkut annertusaaneq erseqqarinngitsumik akissuteqarfigigaa
- Immaqa oqariartuutit taamaattut uteqqattaartarnissaasa eqqaamanissaat pingaarpoq, tassa Kalaallit Nunaanni nalunaaruteqartarnissaq erseqqissaasarnissarlu. Uanga nalunngilara, Naalakkersuisut tamanna ilungersuutigigaat, tamaaliornissarlu aatsaat taama pingaartigaaq, Martin Breum oqarpoq.
