Naalakkersuisut: Narsarsuaq qanoq atorneqassava?
Qaqortumi mittarfittaassaaq 2025-mi atorneqalerpat Narsarsuarmi mittarfik massakkutut atorneqartigiunnaassaaq.
Maanna Narsarsualiartoqartarpoq, qulimiguulimmillu immakkulluunniit kingorna Qaqortuliartoqarsinnaalluni.
Qaqortumili mittarfik 2025-mi atorneqalerpat Narsarsuaq qanoq pineqassava, sumullu atorneqalissava?
Naalakkersuisut apeqqutit taakku Narsarsuarmi innuttaasunik marsip ulluisa arfineq-aappaanni ataatsimiititsinermi akissutissarsiniassavaat.
- Narsarsuup siunissaa pillugu aaqqiissutissanik pitsaanerpaanik ujartuinermi innuttaasut akuutinneqarnissaat Naalakkersuisunit pingaartinneqarpoq. Narsarsuarmi innuttaasut ataatsimeeqatiginissaannut qilanaarpunga. Neriuppunga pilersitsiffiusussamik oqaloqatigiikkumaarluta, taamaalillutalu ataatsimoorluta aaqqiissutissanik pitsaanerpaanik nassaarsinnaassalluta, Ineqarnermut Attaveqaasersuutinullu naalakkersuisoq Mariane Paviasen tusagassiutinut nalunaarummi oqarpoq.
AAMMA ATUARUK Qaqortormiut om ny lufthavn: Det bliver rart at flyve udenom Narsarsuaq
Narsarsuup siunissaa pillugu ataatsimiititaliaq nalunaarusiaminik 2019-imi tunniussereerlunilu unitsinneqartoq taassuma saniatigut pilerseqqinneqassasoq naalakkersuisut nalunaarutigaat.
Suleqatigiissitaq pilerseqqinneqartussaq kingusinnerpaamik aappaagu decembarip ulluisa 31-anni inassuteqaatiminik pilersaarutiminillu naammassisaminnik, naalakkersuinikkut suliassanngortinneqartussanik tunniussissapput..
Naalakkersuisunut ilaasortat arlallit Narsarsuarmi innuttaasunik ataatsimiititsinermi peqataassapput, Kommune Kujallermilu borgmesteri Stine Egede (IA) ilaatigut aamma peqataassalluni.
Kristo Lange, Mittarfeqarfimmi massakkut qatserisartuusoq Narsarsuaq mittarfeqarfittut atorunnaarpat ilaquttanilu suniarnerlutik aamma aaliajangiutereersimavaat.
- Qaqortumut nuunnissarput taanna soorlu pilersaarutigigipput, Kristo Lange, Narsarsuarmi qatserisartoq Jørgen Semionsenimut taama oqarpoq.
