Naalakkersuisut: Kommunet sorsuttoqarsinnaaneranut piareersimasariaqarput

Annaassiniarnissamut upalungaarsimanermut politikkikkut oqartussaaffik Naalakkersuisuniit kommunenut nuunneqassaaq. Tamanna pippat kommunet upalungaarsimassuseqalissapput sorsuttoqarnerani imaluunniit sorsuttoqaratarsinnaalernerani atorsinnaasumik.

Tamanna erserpoq tusarniaalluni allakkiami junip 26-iani ullulerneqartumik akinissamullu piffissaritinneqartoq juulip aqqarnanut killilerneqarsimavoq. Kommuneqarfiit kattuffiat Kanukoka naliliivoq akinissamut piffissaliunneqartoq sivikippallaartoq.

- Inatsisissatut siunnersuummi nalorninartut tusarniaanermi maanna sivikitsuusumi qulakkeerneqartariaqartut amerlavallaarput, tassunga aamma ilanngullugit aningaasaqarnermut tunngassuteqartut ersernerlupput, taamaattumillu ersernerlulluni piffissami matumani kommunit akissussaaffimmik pineqartumik tigusaqarsinnaanersut, tusarniaanermut Kanukoka akissummini allappoq, akissullu taanna kommunit taperserpaat.

Inatsisissatut siunnersuut malillugu annaassiniarnissamut upalungaarsimanermi inuit ajoqusersimasut ikiorneqarsinnaasussaapput. Upalungaarsimanermi aamma pigisat ajoqusertut piareersimaffigineqassapput. Kommunalbestyrelselli namminneerlutik killilersinnaassavaat annaassiniarnissamut upalungaarsimaneq qanoq annertutigisoq piareersimasuutigineqassanersoq.

Suli ullulerneqanngilaq sorsuuttoqarsinnaaneranut qaqugu kommunet upalungaarsimalissanersut.

Linki ataaniittoq toorlugu inatsisissatut siunnersuut aasinnaavat.