Naalakkersuisut isumaqatigiissitsiniartussamik toqqaaniarput
Ilinniartitsisunik atorfinitsisinnaanissamik IMAK-ip ippassaq mattussilernera pissutaalluni aaqqiagiinngissutit sukkanerpaamik aaqqiiviginiarneqartariaqarnissaat pingaaruteqartoq, Aningaasaqarnermut naalakkersuisup Malina Abelsenip erseqqissaatigaa:
- Atorfinitsitsinnaanermik mattussiniarnertik nalunaarutigivaat, maannalu atuutilereerluni. Tamanna alloriarneruvoq imaannaanngitsoq, borgmesterillu uangalu naalakkersuisutut tamanna isiginngitsuusaaginnarsinnaanngilarput, aaqqiaginnginnerullu atuartunik eqquisariaqannginnera nalunaarutigereerparput. Atuartummi matumani puigorneqassanngillat, pingaarnerpaajum,ata, Maliina Abelsen oqarpoq, nangillunilu:
- Taamaammat assagut isaappagut, oqarlutalu matumani isumaqatigiissitsiniartussamik toqqaaniarluta. Neriuppugullu isumaqatigiissitsiniartussaq arlaannaannulluunniit attuumassanngitsoq, tamattalu isumaqatigiissutigisinnaasassatsinnik angusaqartitsiumaartoq, Aningaasaqarnermut naalakkersuisoq Maliina Abelsen oqarpoq.
IMAK-ip siulittaasua Sivso Dorph oqaaseqartinniaraluaratsigu iluatsinngilarput.
Ilinniartitsisut kattuffiata, IMAK-ip Namminersorlutik Oqartussanut isumaqatigiissutaat kingulleq 2010-mi apriilip aallaqqaataani atuukkunnarpoq.