Naalakkersuisut ilaat avaannaani ataatsimiititsissasut
Naalakkersuisut siulittaasuat, Kuupik Kleist siuttoralugu, Aningaasaqarniarnermut naalakkersuisoq Maliina Abelsen, Aalisarnermut, Piniarnermut Nunalerinermullu naalakkersuisoq Ane Hansen kiisalu Inuutissarsiornermut, Suliffeqarnermut Aatsitassarsiornermullu naalakkersuisoq Ove Karl Berthelsen illoqarfinnut nunaqarfinnullu tikeraassapput ataatsimiititsillutillu.
Pilersaarutit malillugit Sisimiuni innuttaasut unnugu ataatsimeeqatigineqassapput, naalakkersuisut Aasiannut ingerlaqqissapput, sapaatiuppat Aasianni innuttaasut ataatsimeeqatigineqassallutik.
Marlunngorpat marsip ulluisa 13-iani Ilulissani innuttaasunik ataatsimiisitsissapput.
Naalakkersuisut avannaani innuttaasunik ataatsimiisitsinermini Uummannami ataatsimiisitsissapput. Pilersaarutit malillugit sisamanngornermi marsip ulluisa 15-ani Uummannami innnutaasunik ataatsimiisitsisoqassaaq.
Uuumannameereerunik Ukkusissat, Maarmorilimmi aatsitassarsiorfik, Ikerasak, Saattut Qaarsullu tikeraarneqassapput. Pilersaarutit ingerlalluassappata Naalakkersuisut marsip ulluisa 19-iani Nuummut uterniarput.
Innuttaasunik ataatsimiisitsinerit qaqugu sumilu pissanersut allagartaliuussinikkut aamma lokalradiokkut kiisalu KNR-avannaa ni nalunaarutigineqartassapput.
