Naalakkersuisut umiartiaarartsorlutik aalisartooreersimasut periarfisseqqippaat

Naalakkersuisut aalajangerput aalisartut 2012-ip siornatigut inuussutissarsiutigalugu aalisartuusimasut immikkut akuersissuteqartitsilluni aalisartunngoqqissinnaasut, Naalakkersuisut tusagassiuutinut nalunaaruteqarlutik taama allapput.

Immikkut akuersissuteqarnermi aalisarsinnaanermut akuersissutit pisassiissutillu pillugit nalunaarutip nutaap 2016-imi februaarimi atuutilernissaata tungaanut atuutissaaq.

Aamma atuaruk Umiatsiaqarnissamik piumasaqaat avoqqaarineqartoq

Aalajangersakkamit pineqartumit immikkut akuersissuteqarsinnaaneq taamaallaat inunnut aalisarnermik inuussutissarsiuteqartunut 2012 sioqqullugu aalisarsinnaanermut akuersissutinik annaasaqarsimasunut aamma aalisarnermik inuussutissarsiuteqartunut ukiup siuliini akuersissummik atuisimanngitsunut tunniunneqassaaq, soorlu assersuutigalugu umiiarnermik, napparsimanermik, ilinniarnermik imaluunniit tunitsivissaqarsimannginnermik pissuteqartumik. Taakku aalisaqqilernissaminnut periarfissaqalerlutik.

Aamma atuaruk Inuusuttut amerlanerusut aalisalernissaat aqqutissiuunneqartoq

Taakku aalisaqqilernissaminnut periarfissaqalerlutik.

Inuit 100-t missaanniittut umiatsiaararsorlutik aalisaqqilernissaat naatsorsuutigineqarpoq.

Aalisaleqqilertussat amerlanersaat avannaaniipput, aqutsiveqarfinni pingasuusuni Upernavimmi, Uummannami aamma Qeqertarsuup Tunuani amerlaqatigiingajapput.

Umiatsiaararsortut akuersissutillit maannakkut 820-iupput. Nunatsinni umiatsiaararsorlutik aalisarnermik inuussutissarsiuteqartut 1.200-t, umiatsiaaqqamik aalisarsinnaanerminnut akuersissuteqarput.