Assi: KNR, Anton Gundersen Lihn

Naalakkersuisut: Februaarimi angalannginnermi qinnuteqartoqaqqaartassaaq

Nunatsinnit aallarnissaq suli periarfissaavoq, kisianni februaarimi uteqqinnissaq qinnutigineqaqqaartassaaq.

Danmarkimit nunatsinnut ingerlaqqinneq ajuleqqasut tamarmik angerlareerpata nunatsinnut angalanissaq Naalakkersuisunit matuneqarniarpoq. Tamanna februaari tamaat atuutissaaq.

Nunatsinniilli aallarnissaq suli periarfissaavoq. Namminersorlutik Oqartussalli suliffeqarfiit, oqartussat innuttaasullu piffissami qaninnerusumi uteqqinnissaq eqqarsaatigigunikku aallannginnissaat kaammattuutigaat.

Aallartoqarunilu februaarip qaammataani uteqqinnissaq qulakkeerneqarsinnaanngilaq.

Nunatsinnummi iseqqinnissaq qinnutigineqaqqaassaaq.

Namminersorlutik Oqartussat tusagassiuutinut nalunaarummi allapput.

- 1. februaarimiit 28. februaarimut Imarpik qulaallugu angalanissaq kissaatigineqarpat, Kalaallit Nunaannut angalanissaq qinnutigineqartussaavoq – piffissap taassuma avataanut qinnuteqaatit suliarineqassanngillat, Namminersorlutik Oqartussat allapput.

Namminersorlutik Oqartussat nunatsinnut uteqqinniartunut qinnuteqarfissamik immersugassaliorput. Tamanna innuttaasunut quppersakkami Sullisivik.gl-imi nassaarineqarsinnaavoq.

Qinnuteqarnissaq pillugu annerusumik uani atuagaqarsinnaavutit.

Namminersorlutik Oqartussat nunatsinnut angalaniarnermut suut eqqumaffiginiarneqartariaqarnersut tusagassiuutinut naliunaarummi allaaseraat:

  • Februaarip qaammataani angalasoqassappat, tamatuma pinnginnerani qinnuteqaateqartoqassaaq. Tamanna tallimanngornermi 15. februaarimiit Sullissivik.gl aqqutigalugu pisinnaavoq.
  • Ilinniarfissavit imaluunniit sulisitsisuit qinnuteqaatuussaavaatit – Kalaallit Nunaanniinnissannut pisariaqartitsiviusumik pisoqassappat, illit nammineerlutit tikinnissamut qinnuteqaateqarsinnaavutit. Tassani pineqartoq tassaasinnaavoq napparsimaruluttoqarnera ilisisoqarnissaaluunniit.
  • 1. februaarimiit misissortinneq sivisunerpaamik nalunaaquttap akunnerinik 72-inik pisoqaassuseqassaaq, siornatigut atuussimasutut nalunaaquttap akunnerinik 120-nik pisoqaassuseqarani.
  • Februaarip qaammataani angalanissamut qinnuteqaatit kisimik suliarineqassapput
  • Sapaatit akunnerisa naanerini suliassat suliarineqartassanngillat (januaarimi februaarimiluunniit)

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat