Tassaarsuaq: Naalakkersuisut aamma Avannaata Kommunia tikeraalersut
Naalakkersuisut siulittaasuat Kim Kielsen, Attaveqaqatigiinnermut naalakkersuisoq Simon Simonsen aamma Avannata Kommuniani borgmesteri Palle Jerimiassen malunnartitsinissamut atatillugu peqataajartorlutik tallimanngorpat juunip 15-iani Uummannamut tikissapput.
Naalagiaqatigiinneq, eqqaaniaaneq taamatullu innuttaasunut kaffillerneq sapaatiuppat ilaatigut pilersaarutigineqarput.
AAMMA ATUARUK KRK-p ilaqutariit tassaarsuarmit eqqugaasut juullimi tunissuteqarfiginiarai
Arfininngorpat aamma aaqqissuisoqassaaq, aaqqissuunneqartussalli tamakkiisut suli pilersaarusiorneqartut Avannaata Kommuniani pisortaq Sivso Dorph nalunaarpoq.
Siorna juunip 17-iani qaqqap sisoornerata kingunerisaanik tassaarsuaqarnerani Nuugaatsiami Illorsuarnilu innuttaasut katillugit 174-it nunaqarfimminniit qimagussorneqarput. Nunaqarfimmiut qimagussorneqartut ukiut ataatsip ingerlanerani Uummannamut, Ilulissanut, Aasiannut nunaqarfinnullu arlalinnut nuutinneqarput inissinneqarallarlutillu.
AAMMA ATUARUK Naalakkersuisut danskit tapiissuteqarnerat qujassuteqarfigigaat