KRK-p ilaqutariit tassaarsuarmit eqqugaasut juullimi tunissuteqarfiginiarai

Illorsuarni Nuugaatsiamilu tassaarsuaqarnerata kingorna ilaqutariit nunaqarfimminnit qimagutsitaasut Kalaallit Røde Korsiata ullumi juullimi tunissuteqarfigissavai.
Assi © : Monika Hoinkis/Flickr Creative Commons
Allattoq Merete Lindstrøm
decembarip 21-at 2017 07:22
Nutserisoq Simon Uldum -

Nunatsinni juullertarnera ilaqutariinnut tamanut persuarsiorfiuvoq, ileqqutoqqat eqqaamasallu ilaqutariinnut pingaaruteqarnerpaaffiat.

Ilaqutariippassuilli ukioq manna juullisiortussaapput najugarigallakkaminni, pigisaminnik peqaratik, taamaammat Røde Korsimit aalajangerneqarpoq qimagutsitaasut juullilernerani ikiorsiissutinik tunineqassasut, taakkulu illoqarfinni nunaqarfinnilu qimagutsitaasut maanna najugarigallagaanni Pilersuisup pisiniarfiini ullumi nalunaaqutaq qulinit aqqarngup tungaanut agguaanneqassapput.

AAMMA ATUARUK Meeqqat qimagutitinneqartut naleqqussarluarsimalersut

- Kalaallit Røde Korsianni nalunngilarput aningaasat pigisaminnik tamanik annaasaqarsimasut aliasuuteqarnerannik millisaataasinnaanngitsut, neriuutigaarpulli ukiup taarseruttornerani ikiorsiissutit nuannaarnermik pilersitseqataasinnaajumaartut, allattoqarfimmi pisortaq Kirsten Mortensen taama allappoq.

Juullimi ikiorsiissutitut tunniunneqartut inersimasumut 1.000 koruuniupput meeqqamullu 500 koruunit. Taakkulu Pilersuisup pisiniarfiini atorneqarsinnaapput.

AAMMA ATUARUK Røde Kors tassaarsuaqarnerani eqqugaasunut suli ikiuuttoq

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq