Naalakkersuisunut ilaasortaasimasoq KNAPK-mi pisortatut atorfinitsinneqarallartoq

Aalisartut Piniartullu Kattuffiata KNAPK-ip allaffeqarfiani pisortaq KNAPK-mit soraarsinneqarpoq.

Bjarne Lyberth KNAPK-imi pisortatut atorfini qimattussanngorpaa, taanna septemberimi pisortatut atorfinitsinneqarpoq.

Vittus Qujaukitsoq KNAPK-imi pisortaagallartussatut atorfinitsinneqarpoq.

" Ulluinnarni Aqutsisut KNAPK-p allaffeqarfiani piffissami aalajangiilluinnartumi, angusaqarnissaq iliuuseqarsinnaanerlu pingaartillugit, nutaanik nukinnik siulersorneqarnissaa kissaatigaat. Taamaattumik Vittus Qujaukitsoq pisortaagallassasoq aalajangerpugut, taannalu siusinnerusukkut marsimi 2022-mi siunnersortitut atorfinitsinneqarpoq" KNAPK-mi siulittaasoq Nikkulaat Jeremiassen tusagassiuutinut nalunaarummi taama oqarpoq. 

AAMMA ATUARUK Rejefiskernes udvandring vil koste KNAPK 600.000 kroner

Vittus Qujaukisoq marsip qaammataata aallartinneraniilli KNAPK-mi siunnersortitut atorfinitsinneqarpoq. 

Vittus Qujaukitsoq ukiorpassuarni politikkimi sulivoq.

Vittus Qujaukitsoq siullermik partii Siumumi suleqataavoq, kingornalu partiimi Nunatta Qitornaani siulittaasuulluni, kingullermillu inatsisartunut qinersisoqarmat partii isertitaqanngilaq.

Vittus Qujauitsoq naalakkersuisuni ilaasortaanikuuvoq.

Ilaatigut nunanut allanut aamma aatsitassanut naalakkersuisuulluni.

" Vittus Qujaukitsup atorfinitsinneqarnera KNAPK-p pisariaqartitaanik tunniusimasumik angusaqarusuttumillu siulersorteqalerpoq, aama qularinngilara Vittup tunuliaqutaanik misilittagaanillu kattuffik iluaquteqarlualerumaartoq "

KNAPK-imi siulittaasoq Nikkulaat Jeremiassen tusagassiuutinut nalunaarummi taama allappoq.

Pilersaarutit naapertorlugit KNAPK pisortamik atorfinitsitsissaaq juunimi 2022-mi atorfik inuttassarsiorneqareerpat.