Naalakkersuisunut ilaasortaasimasoq Alfred Jakobsen toqukkut qimaguttoq
Alfred E. R. Jakobsen, 1958-imi inunngortoq, Kalaallit Nunaata nunani tamalaani oqallinnermi issittumilu suleqatigiinnermi ersarinnerulernissaanut sunniuteqaqataasimasoq, Naalakkersuisut allapput.
Nunanik allanik suleqataanermi pingaaruteqarsimasoq
Kalaallit Nunaata nunani tamalaani suleqatigiinnermi peqataanissa nipaatalu tusaaneqarnissaa Alfred E. R. Jakobsen-imut pingaaruteqarsimavoq.
Tassalu 2001-imi CO2-mik aniatitsinerup annikillisinneqarnissaa pillugu Kyoto-mi isumaqatigiissutip akuerineqarnissaanut isumaqatigiissuteqarnissamut sinaakkusiussaq Alfred Jakobsenip, taamani Avatangiisinut Nukissiuuteqarnermullu Ministeriusoq Svend Auken peqatigalugu Naalakkersuisut sinnerlugit atsiorpaa.
Alfred Jakobsen naalakkersuinikkut suliami saniatigut aamma taamani Namminersornerullutik Oqartussaasuni assigiingitsunik atuuffeqarsimavoq.
Soorlu namminersorneq pillugu isumalioqatigiissitap allattoqarfiani pisortaasimalluni, taamani Avatangiisinut Pinngortitamullu Pisortaqarfiusumi aamma Avatangiisinut Aqutsisoqarfimmi pisortaasimalluni.
- Sulisorpassuit Alfred E. R. Jakobsen ilitsersuisumittut, kulturerput, pinngortitaq avatangiisillu pillugit ilisimasaqalersitsisutut paasisimasaqalertitsisutullu oqaatigisarpaat, Naalakkersuisut allapput.