Naalakkersuisoq siunissami illulioriaasissaq pillugu isumasioqatigiissitsisoq

Ineqarnermut naalakkersuisoq, Knud Kristiansen, nunaqarfinni isorliunerusunilu illulioriaasissaq pillugu ippassaq isumasioqatigiissitsivoq.

Inatsisartut sanaartonermut ataatsimiititaliaat, borgmesterit sisamat kommunillu sanaartornermut ataatsimiititaliaat tamarmik isumasioqatigiinnermut, Upernavimmi pisumut, qaaqqusanut ilaapput.

Najugaqarfissanut nutaanut takorluukkat tamakkununngalu suut piumasaqaataassanersut oqaluuserisanut ilaapput, taavalu aamma nunaqarfinni isorliunerusunilu najugaqarfiliornermi suut unammilligassaanersut Danmarkimi teknikkimut tunngasunut ilisimatusarfissuarmeersumit oqaluttuarineqarlutik.

Inissialianik atuisuusut siunissami inissialiortitsinermut kissaataat ualikkut oqallisigineqarput.

Tamannali pitinnagu ineqarnermut naalakkersuisoq illulioriaatsimik nutaamik saqqummiussivoq.

 - Sanaartoriaatsimik nutaamik, ullutsinni ineqarnikkut ajornartorsiutinik aaqqiissutaasinnaasunik, suliniuteqarpugut. Assersuutigalugu oquk, maannakkut sanaartoriaatsitsinnik sanaartornermilu ullumikkut atortussanik peqquteqartoq, ullumikkut ajornartorsiutaavoq.

- Illuliassamillu nutaamik isumasioqatigiinnermik saqqumiussisinnaagama nuannaarpunga, Knud Kristiansen isumasioqatigiinneq sioqqullugu allappoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat