Naalakkersuisooqatigiit siammasinnerunissaat Kielsenip kissaatigaa

Naalakkersuisooqatigiit siammasinnerunissaannik Kielsen kissaateqarpoq, taamaammallu Demokratinut Atassutimullu suleqatigiinneq unitsippaa.

Taamaalillunilu naalakkersuisooqatigiinni ukiut pingasut ingerlanerini allanngortoqarpoq.

- Qanoq iliortoqarsinnaaneranik piffimmi kingullermi assigiinngitsunik nalilersuivunga. Naalakkersuisooqatigiit qanoq nutittunerpaamik inississappat, qanoq siammasitsigisumik tunuliaqqutserneqarsinnaavunga. Taakku assigiinngitsut oqimaaluartarpakka partiinillu allanik apersuerujoorpunga. Naalakkersuisunillu allanik pilersitsinissaq taassuma kinguneraa.

Naalakkersuisut siulittaasuat, Kim Kielsen oqarpoq.

Inuit Ataqatigiit Partii Nalerarlu tassa naalakkersuisuutitaqalerput. Akerlianik Demokraatit Atassullu naalakkersuisuutitaqarunnaarput.

Partiillu talerperliunerusut sooq naalakkersuisooqatigiinnit ilaajunnaarnersut aperineqarami Kim Kielsen ima akivoq.

- Piffissaq kingulleq tikillugu tassa tigummisimagaluarpagut. Taamaattorli aamma ersarissumik oqariartuutigineqarami taanna isaatitsinissamik tunngatillugu periarfissaq nalorninartutut isigineqartoq. Ukua naalakkersuisooqatigiit ajunngitsumik ingerlapput, taamaattorli uanga kissaatigigakku suli silinnerusumik tunuliaqqutserneqarnissarput, Kim Kielsen oqarpoq.

Naalakkersuisooqatigiinnilu nutaani suleqatigiilluartoqarnissaa, Naalakkersuisut siulittaasuata qularutiginngilaa.

- Assigiinngitsunik naaperiaasaqattaarsimavugut, periarfissanik assigiinngitsunik. Kisianni Demokraatit Atassutikkullu Naalakkersuisooqatigiinnissamik isumaqatigiissutaanni tunngavik tassaavoq partiit tamarmik pilersitseqataaffiginikuusaat. Partiit tamavimmik. Taannalu massakkut  ilaatigut ilaneqalaarlunilupiiaasoqalaarsimavoq. Kisianni tamarmiusoq isigissagaanni 90 procentia allanngunngilaq, periarfissanik tunngatillugu alloriaqqinnissamut. Annerusumik imarisaa allanngortinnagu. Tassa taanna tunaartaralugu alloriaqqinnissarput. 

Naalakkersuisut siulittaasuat, Kim Kielsen taama oqarpoq.

Siumup, Atassutip Demokraatillu ukiuni marlunni naalakkersuisooqatigiipput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat