Naalakkersuinermi malinnaasoq: Isumasioqatigiinneq pinngitsoornani pingaaruteqassaaq
- Periutsitut nutaatut oqaatigisariaqarpoq, Naalakkersuinermut tunngasunik ilinniagartooq Jakob Janussen oqarpoq.
Tassami Inatsisartut nunatsinni tamat oqartussaneranni siullerpaamik ammasumik siunersiuipput.
Aningaasaqarnermut Akileraartarnermullu Ataatsimiititaliaq aggersaasuuvoq, aningaasaqarnermullu naalakkrsuisoq Vittus Qujaukitsoq takkuttuni pingaarnerpaavoq.
Taassuma apeqqutit soraarnerussutisiaqalernissamut aaqqissuussinermut peqataasussaatitaanermut tunngasut akissuteqarfigai. Suliaq taanna innuttaasunut 6.628-nut, soraarnerussutisiaqalernissamut peqataasussaatitaanermi naammattunik akiliuteqarsimanngitsunut tunngavoq. Taamaammat Akileraartarnermut Aqutsisoqarfiup aningaasat amigaataasut akilertinniarlugit aallartippai.
Tassalu innuttaasut 6.628-t inatsit malillugu soraarnerusutisiassanut nammineq katersisussaatitaanermut akiliiniagassammata taakku ukioq manna akileraaruteqarnerusariaqarput.
- Innuttaasut 6.628-it soraarnerussutisiaqalernissamut peqataasussaatitaanermi naammattunik akiliuteqarsimanngillat. Akileraartarnermut Aqutsisoqarfik taamaammat akilinngitsuukkanik akiliisitsinialerpoq.
- Tassalu innuttaasut 6.628-t inatsit malillugu soraarnerusutisiassanut nammineq katersisussaatitaanermut akiliiniagassammata taakku ukioq manna akileraaruteqarnerusariaqarput.
- Innuttaasut qanoq aningaasarsiaqartiginerat apeqqutaalluni 2 procentip 6 procentillu akornanni akileraarnerussapput..
- Soraarnerussutisiaqalernissamut peqataasussaatitaaneq januarip allaqqaataani 2018 atuutilerpoq, kisianni Namminersorlutik Oqartussat innuttaasut akileraarutaasa qaffanneratigut ukioq manna aatsaat akiliisitsinialerput.
- Suliaq inuppassuarnut eqquimmat taama aalajangerpugut, Aningaasaqarnermut Akileraartarnermullu Ataatsimiititaliami siulittaasoq Hermann Berthelsen KNR-imut siusinnerusukkut qarpoq.
AAMMA ATUARUK Aningaasaqarnermut ataatsimiititaliap Vittus Qujaukitsoq isumasioqatigiinnissamut aggersaraa
- Naluneqarunanngilaq taanna USA-mi atorneqangaatsiartorujussuusoq, Janussen oqarpoq. Ammasumik isumasioqatigiinneq pingaaruteqartoq, ilinniagartup ilanngullugu oqaatigaa. Politikerimmi akissutai amerlasuutigut nalilersorneqarsinnaammata.
Politikerip qanoq qulanngitsiginera
- Pingaaruteqassooq pinngitsoornani. Apersorneqartup oqaasissani qanoq ilusilerniarneraa qularnanngitsumik amerlasuunit tusaaniarneqassapput imaluunniit alapernaanneqassapput.
- Naalakkersuisup akisussaasup apeqqummut pineqartumut qanorpiaq isumaqarneranik paasinninnerunissamut aqqutaasinnaalluarpoq.
Inatsisartut ammasumik siunersueqqaatigimmassuk, tamatuma tamat oqartusaallutik oqallinerannut qanoq sunniuteqassanersoq, Jakob Janussenip siulittuutigerusunngilaa:
- Imaanngilaq periuseq taanna qanorpiaq iluseqartillugu atorneqassanersoq erniinaq inissaminut piumaartoq uanga taanna qularivara, kisianni atorneqaleriarpat immaqa misilittarlugu politikerimit isumasiuineq nutaatut atorneqarsinnaanersoq nalilersorneqartuassagunarpoq, Jakob Janussen oqarpoq.
