Naalagaaffeqatigiinneq pillugu ataatsimiittoqalertoq
Ataatsimiinnermilu avatangiisit, nammineq aalajangiisinnaassuseqarnerulernissaq namminiilivinnissarlu oqallisigineqassapput.
Naalakkersuisut Siulittaasuata Kalaallit Nunaanni saliinissaq pillugu Naalagaaffeqatigiit ataatsimiinneranni qaqitassaasa ilagaat.
AAMMA ATUARUK Tunngaviusumik inatsit akisusinnaasoq
Kangerluarsorusermi Nuup kujataatungaaniittumi aalisariutit umiarsualivigisimasaanni torersaasinissaq Savalimmiunit piareersarneqalerpoq.
Nunarput amerikamiut sakkutooqarfigisimasaanni saliisoqarnissaanik Danmarkimut aamma piumasaqareerpoq.
Suleqatigiinnerup ineriartortinnissaa aamma eqqartorneqassasoq, naalakkersuisoq allappoq:
- Annertunerusumik nammineq aalajangiisinnaassuseqalernissaq namminiilivinnissarlu pillugit anguniagaqarnerput ataatsimoorfigisavullu eqqarsaatigalugit, naalagaaffeqatigiinneq qanorlu suleqatigiinnitta ineriartortinnissaa oqaloqatigiissutigiuartariaqarparput, Naalakkersuisut Siulittaasuat Kim Kielsen allappoq.
Ukiumoortumik ataatsimiinneq Bornholmimi Christiansømilu juunip ulluisa 13-iani 14-ianilu pissaaq.
