Naaja Nathanielsen: Vittus taamaattoqanngilaq

- Taamaattoqanngilaq. Soorunami apeqqut tamanna Nunatsinni sulisartunut sulisitsisullu kattuffiinut apeqqutigissallugu anngunneqarsinnaavoq. Nunani allani taamaaliortoqartareerpoq pisinnaatitaaffik isumaqatigiinniarsinnaatitaanerlu innarlinngikkaluarlugit, Naaja Nathanielsen oqarpoq.

Taassuma oqaatigaattaaq, paragraf 37 naapertorlugu apeqqutigineqarsimasumi atuarneqarsinnaammat, Naalakkersuisuusimasut pilersaaruteqarsimammata tamanna sulisitsisut, sulisartut oqartussallu isumaqatigiinniarnerisigut anguniarneqassasoq.

- Tamassuma takutippaa, oqartussat ingerlatsiviata siusinnerusukkut nalilersimagaa, isumaqatigiinniartoqarsinnaasoq pineqartut narrujuummisinngikkaluarlugit.

Naaja Nathanielsenip oqaatigaa aaqqiiniarnissamut piumassuseqarneq taamaallaat uani apeqqutaaginnartoq.

- Suliamik salliutitsinnginneq imaluunniit salliutitsineq uani apeqqutaanngilaq. Inatsisitigummi tamanna akornusersorneqanngimmat. Taamaattumik apeqqutaaginnarpoq ilaqutariit sulisitsisullu pitsaanerpaamik atugassaqartinneqarnissaanik ujartuineq.

Inatsisartunut ilaasortaq, Naaja Nathanielsen Inuit Ataqatigiit taama oqarpoq.