Anaanap ernermi qasunera pissutigalugu pinerliiniaq ingalakkaa
![Karina Møller](/sites/default/files/styles/image_934x467/public/article_images/karina.jpg?itok=lFHBzRyu)
- USA-mi ulloq nalliuttorsiutigisartagaanni, Valentines Dayimik taasartagaanni, erneralu illoqarfimmut pisiniarfiliarniarluta arfininngormat isumaqatigiippugut, erinarsortartoq nuumminngaanneersoq Københavnimi najugaqartoq Karina Møller oqarpoq.
Illoqarfimmi neriniartarfiit pisiniarfiillu aqqusaareerlugit ualikkut sisamanngoriartortoq angerlarniarlutik aalajangerput.
Aamma atuaruk Politiit matuma silatinnguaniipput qulimiguullillu qulaavaarpalupput
Piffissami tassani Krudttøndimi aallaasersortoqarpoq, saassussisorlu qimaagami Karina Møllerip biiliata tungaanut qimaavoq. Ernerali pisiniarfilerinerup kingorna qujanartumik qasulersimavoq.
- Biili aqaguani aatsaat aaginnarnissaanut erneeqqama akuersisippaanga, Karina Møller oqarpoq.
Nalinginnaasumik meeqqami piumasai akuerineq-ajoraluarlugit ernermi piumasaa tamatumuuna akuerisimagamiuk Karina Møllerip qujamasuutigaa.
- Soorunami eqqarsalersitsivoq. "Qujanarmi ernerma angerlarusunnera ataqqigakku." Saassussisormi sakkulisartoq aqqusinermi naapissimassagaluarukku, Karina Møller oqaatsini naanagu oqarpoq nangillunilu.
- Los Angelesimi najugaqarnikuuvunga, eqqannguannilu aallaasersortunik takusarnikuullunga. Misigisara meeqqannut qaquguluunniit misigitikkusunngilara, Karina Møller oqarpoq.
Pinerliiniarluni saassussisup upperisaata inuiaassusiatalu sammineqarnerat Karina Møllerip nuannarivallarnagu ilanngullugu oqaatigaa.
- Taassumap upperisaa inuiaassusialu sammiinnarutsigu inuiaqatigiinni avissaartuuttooqarnerulernissaa ernumassutigaara. Taamaattoqaannassappat ersineq atorlugu inuussaagut, Karina Møller oqarpoq.