Mittarfiliortiternermut aningaasaliissutit USA peqatigalugu oqaluuserineqarsimasut
Danskit nunanut allanut tunngasunut ministereqarfiannit akissutissarsiani naapertorlugu Sermitsiaq.AG taama allaaserisaqarpoq.
Kingullermillu aggustip qaammataani ataatsimiittoqartoq, ministereqarfiup ilisimatitsissutigaa.
AAMMA ATUARUK USA-p nunatsinni mittarfinnut aningaasalersuinissamut periarfissat misissorniarai
USA-p nunatsinni mittarfinnik annertusaanermi aningaasalersueqataasinnaaneranut periarfissat pingaarnerutillugit Permanent Committeemi oqaluuserineqarput. Tamatumalu malitsigisaanik USA-p sapaatit akunnerata siuliani nalunaarutigaa mittarfiliortiternissamut aningaasaleeqataanissaq piareersimaffigalugu.
Danmarkip nunatsinni mittarfinnut inuussutissarsiutitigullu siuarsaanermut katillugit 1,6 milliardit koruuninik tapiissuteqarnissaanik ministeriunerup Lars Løkke Rasmussenip (V) saqqummiussaqarneranit sapaatit akunnerat qaangiuttoq taama pisoqarpoq.
AAMMA ATUARUK Amerikamut isumaqatigiissut annertoorujussuarmik iluaqutissiissooq
