Mittarfiit pillugit inatsisissaq sisamanngornermi taasissutigineqassaaq

Inatsisissallu akuersissutigineqarnissaa Naalakkersuisut siulittaasuata Kim Kielsenip qulakkeereerpaa, Demokraatimmi akuerseqataanerisigut tamanna pissammat.

Inatsisillu akuersissutigineqarneratigut nunatsinni sanaartugassat maannamut akisunersaat pivisunngortinneqartussanngorpoq, tassalu Nuummi Ilulissanilu mittarfiit tallilerneqassapput Qaqortumilu mittarfiliortoqassalluni.

AAMMA ATUARUK Mittarfiit pillugit ingerlaaqatigiinnermik takutitsisorpassuusut

Nuummi Ilulissanilu mittarfiit tallilerneqarnissaat siunissamilu ingerlanneqarnissaat ilisimaneqareersutut Danmarkip aningaasaleeqataaffigissavai. Danmarkip mittarfiliortiternissamut atatillugu 1,6 milliardit koruuninik aningaasaliinissaminik neqeroorutigaa.

Nunatsinni sumiiffinni arlalinni sapaatit akunnerata ingerlanerani mittarfiliortiternissamik pilersaarutinut akerliussutsimik takutitsisoqarpoq, Qaqortumilu innuttassut illoqarfiup mittarfittaarnissaanut qujaniarlutik pingasunngormat ingerlaaqatigiipput.

AAMMA ATUARUK Itigartitsisinnaatitaaneq aktianik piginneqatigiiffinni nalinginnaasuuvoq