Mittarfeqarfinni pisortaq tunuarpoq
Marie Fleischer ukioq ataaseq affarlu sinnilaarlugit mittarfeqarfinni pisortaareerluni tunuarniuteqarpoq.
Allattoq Paninnguaq Steenholdt
Tunuarnissaa Aningaasaqarnermut Sulisoqarnermullu Aqutsisoqarfiup Marie Fleischerillu akornanni februaarip 27-iani isumaqatigiissutigineqarpoq.
Illuatungeriilluni isumaqatigiinneq malillugu Marie Fleischer Mittarfeqarfinni pisortaanertut atorfimminit tunuarpoq. Naalakkersuisut taama nalunaaruteqarput.
AAMMA ATUARUK Mittarfeqarfinni pisortaq nutaaq
Marie Fleischer juunip aallaqqaataani 2017-imi pisortaanertut atorfinippoq, tunuarneranullu suna peqqutaanersoq nalunaarummi ilisimatitsissutigineqanngilaq.
Marie Fleischerip KNR-imut oqaaseqarsinnaanani aamma oqaatigaa.