Mittarfeqarfinni pisortaq nutaaq

Naalakkersuisut Marie Fleischer Mittarfeqarfinni pisortatut atorfimmut neqeroorfiginiarlugu aalajangerput.

Allattoq Simon Uldum -

apriilip 05-at 2017 10:55

Marie Fleischer ukiuni arlalinni aqutsinermik misilittagaqarpoq, kingullermik Kommuneqarfik Sermersuumi pisortaasimalluni. Kiisalu Marie Fleischer Cand. Scient. Adm.-itut, MBA-tut aamma HD-O-tut sulinermini tunuliaqutaqarpoq.

- Nuannaarutigaara Marie Fleischer Mittarfeqarfinni pisortatut atorfimmut neqeroorfiginiarlugu Naalakkersuisut aalajangermata. Marie Fleischer pisortaavoq pikkorissoq tunniusimasorlu pisortatut sulinermik misilittagaqarluartoq. Marie Fleischer-ip suleqatigilluarnissaanut qilanaarpunga, Kommuninut, Nunaqarfinnut, Isorliunerusunut, Attaveqaqatigiinnermut Ineqarnermullu Naalakkersuisoq Múte B. Egede tusagassiorfinnut nalunaarummi taama oqarpoq.

Mittarfeqarfinni pisortatut atorfimmut qinnuteqartut 58-iusut, Namminersorlutik Oqartussat ilisimatitsissutigaat.

Marie Fleischer 1. juni 2017-imi atorfinissaaq.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.