Misissukkat inerneri: Inuk alla coronamik aamma tunillatsissimasoq
Coronavirusimik tunillatsissimanersut misissorneqartut ilaat ullumikkut akissutersineqarput.
Taakkunannga ataaseq tunillatsissimasoq paasineqarpoq.
- Ataaseq paasineqarpoq coronamik tunillatsissimasoq, taannalu aamma Nuummiippoq, aamm angerlarsimaffimmini mattusimasuuvoq, naalakkersuisut siulittaasuat, Kim Kielsen oqarpoq.
Ersiutit suuppat?
Coronavirusimik tunillatsissimasut ukuninnga ersiuteqarsimapput:
- Panertumik quersorneq
- Kissarneqarneq
- Anersaartorniarnikkut ajornartorsiuteqarneq
Nakorsaanerup, Henrik Hansenip oqarnera naapertorlugu tunillatsissimasoq kingulleq tunillatsissimareersumit tunillatsissimasoq ullumi uppernarsarneqarpoq.
AAMMA ATUARUK Angerlarsimaffimmi mattussaaqqaneq? Ima iliussaatit
Inuit katillugit tallimat coronavirusimik tunillatsissimapput. Taakkunannga marluk peqqisseqqissimapput, tunillatsissimasut tamarmik suli angerlarsimaffimminni mattuteqqapput.
Nunarput tamakkerlugu 256-it misissorneqarput – taakku ilarpassui ataasinngormat misissorneqartut akissutersissavagut.
Misissukkat inerneri 78-it maanna amigaataapput, taakku ilaat aqagu akissuteqarfigineqarnissaat nakorsaanerup naatsorsuutigaa.
