Misissuisussatut isumalioqatigiissitaliortoqarnissaa Canadap itigartippaa
Naggueqatitta arnap inuusuttup Loretta Saundersip inuartarineqarnerata kingorna, arnanit suliniaqatigiinnit arlalinnit Canadamilu indianerit høvdingiisa qullersaannit, Shawn Atleomit nuna tamakkerlugu misissuisussatut isumalioqatigiissitaliortoqarnissaa piumasaqaatigineqarpoq, suliat inerneqanngitsorpassuit akissutissarsinissaat alianartumillu pisartorpassuit unitsinneqarnissaat siunertaralugu.
Pisorli kingulleq eqqartugaasupilussuugaluartoq, canadamiut naalakkersuisuisa isumalioqatigiissitamik taama ittumik pilersitsiniaratik nalunaarutigaat, ajornartorsiutip iluarsineqarnissaanut annertuumik suliaqartoqareersoq tunngavilersuutigalugu.
Naalakkersuisullu taamatut nalunaaruteqarnerat naggueqatigiit inuit indianerillu akornanni kamannermik akerliussutsimillu takutitsinernik ingerlaannaq kinguneqarpoq.
Loretta Saundersip inuartarineqarnera aalassassimaartoqalerneranik kinguneqarsimavoq, taannalu Labradorimi Goose Bayimi Hernhuttit Iliveqarfiannut sapaatit-akunnerat kingulleq eqqissisimasumik ilisaavoq.
