Misissuinerup nunatsinni timersorneq pitsanngortissavaa
![](/sites/default/files/styles/image_934x467/public/user_pictures/PoulsenOle_Qaqortoq__fodboldens_aar_arsartartut_ukiuat_2010.jpg?itok=NJE9V7YM)
Nunatsinni isikkamik arsaanneq timersuutini nuannarinerpaasoq atuarneqarsinnavoq, aammali utoqqaliartornitsinni timersortarunnaariartortartugut ersersillugu.
GIF-mi ilaasortat isikkamik arsaattartut 2697-iupput. Assamillu arsaattartut 1902-ullutik. Timersuutini atugaanerpaani sisorartartut snowboardertartullu pingajuattut inissisimapput, taakkua 1332-iullutik.
Taekwondortartut kattuffiat GIF-imi ilaasortakinnerpaavoq, 243-nik ilaasortaqarlutik.
Aamma atuaruk Isikkamik arsaalluni GM-ertoqarnissaanut anngunniutileruttorput
Nunatsinni isikkamik arsaanneq atugaanerpaasoq misissuinermi paasisat ilaraat. Meeqqat inuusuttullu apersorneqartut 92 procentii ukiup ingerlanerani timersorsimapput, taakkunanilu amerlanerpaat isikkamik arsaanneq timersuutigisimagaat, GIF-p misissuinermini oqaatigaa.
Aamma atuaruk GBU: UEFA-mut ilaasortanngornissarput qulakkiissavarput
Nunatsinni aatsaat siullerpaamik timersorneq misissuiffigineqarpoq, unamminartut ineriartortitassallu suunersut paasinirlugu.
- Kalaallit Nuantsinni Timersoqatigiit Kattuffianni siulersuisut aalajangersimapput ullumikkut inissisimaneq misissorneqassasoq. Tassangaaniillu aamma misissuinerminngaaniit paasisat tunngavigalugit timersornerup ineriartorteqqinnissaa peqataaffigerusukkatsigu, taavalu tunngavissaqarluarusulluta taamatut misissuititsisimavugut, Nuka Kleemann GIF-mi siulittaasoq KNR-mut oqarpoq.
Aamma atuaruk Arsaattarfiit ivigaaraasallit amerlanerit nunanut allanut sungiusaasup ujartorpai
Nunatsinni timersortarfiit angisuut 19-ipput mikisuullu 25-iullutik. Inersimanerusullu timersorpiartanngitsut paasineqarpoq, inersimasut quliugaangata pingasut kisimik timersortarmata. Timersortartullu silamiunerusoq timersorusuttarlutik.
Arnat timersoraangamik nunami pisunneq, arpanneq, timigissartarfinnilu timigissarneq samminerusarpaat. Angutit isikkamik arsaanneq piniarnerlu timersuutiginerusarlugu.
Aamma atuaruk Arsaannermik ilinniarfik qulakkeerneqarpoq
Angajoqqaat timersortuusut meeraat aamma timersortuusartut aamma erserpoq, meeqqat timersortuunngitsunik angajoqqaallit timersorpiarneq ajorlutik.
Misissuinerup takutippaa siunissami suna pitsanngorsarneqartariaqarnersoq.
-Paasineqartut pingaarnerpaajupput ukua kisitsisit assigiingitsut aamma illorsuit qanoq atorneqarneri, timersornerullu qanoq ineriartortinneqarsinnaanera tassani tamarmik nassuiaqqissarneqarlutik inissisimapput, takkualu isumaqarpunga ukiuni sisamani tulliuttuni ineriartortitsinissamut pilersaarutitsinni atorluarsinnaallutigit, GIF-ip siulittaasuaq Nuka Kleemann oqarpoq.