Misissuinerit: Biden Trumpimit qinerneqarnerussasoq
USA-mi præsidentimut qineqqusaartuni marluusuni Joe Biden Donald Trumpimut maanna coronavirusertumut misissuinermi procentinik qulinik siuaqqavoq.
Allattoq Ritzau
Nutserisoq Andreas Wille
Joe Biden novembarip pingajuani qinersisoqalerpat ingerlalluarsinnaannguatsiarpoq.
Amerikami qinersisartunik misissuinermi Joe Biden qinersisartut 51 procentiisa qinissagaat inerniliuunneqarpoq.
Donald Trumpilu qinersisartut 41 procentiisa qinissagaat ilimagineqarluni.
Misissuineq misissuisarfiup Ipsosip nutaarsiassaqartitsivimmut Reutersimut suliaraa, Joe Bidenilu qaammatip kingulliup ingerlanerani aatsaat taama siuaqqatigaaq.
Misissuineq qinersisartut præsidentip corona virusernera paasereeraat oktobarip aappaanni pingajuannilu pivoq.