Inga Dóra Markussen: Misigissutsit suli sakkortupput
Killitsisimaneq Reykjavikkimi najugalimmut, suli inituvoq.
Pisormi aallaqqaataanit, tassa januaarip ulluisa 18-ianniilli malinnaavigaa.
Polar Nanoq qulimiguulimmik orninneqartoq paasigamiuk qisuariaataa siulleq tassaavoq:
- Qamuuna eqqarsarpunga årh nej årh nej, neriuppunga arlaatigut ajortuliorsimanngitsut.
Polar Nanup Reykjavikkimi tulaqqanerani Inga Dorap, umiartortut tapersersorniarlugit najulerpai.
- Ullut arlallit taamatut najoriarluta nanineqarmat aatsaat iluamik misigissutsit tassuuna sakkortuut takkussuupput tamatsinnut.
AAMMA ATUARUK Unnerluutigineqartup nassuiaatini eqqartuussivimmi allanngortikkaa
Islandimi kalaaliuneq allanngorpoq
Islandimi kalaaliuneq, ullormit ullormut allanngorsimasoq maluginiarneqarpoq.
- Piffissaq kingulleq soorunami malunnalaarsimavoq paasineqaraangatta kalaaliusugut, soorlulusooq paaserusukkaat nunatsinni inuuneq qanoq-innersoq.
Kalaallit Islandimi najugallit pisup kingorna ataatsimoornerulernerat Inga Doramit ilanngullugu aamma oqaatigineqarpoq.
- Kalak Island kalaallit nunaallu ikinngutigiillutik peqatigiiffiat aaqqissuillattaasarami assigiinngitsunik tassani Islandimiut amerlanerusut takkuttalerput aamma nunatsinneersut islandimi najugallit tassunga takkuttalerlutik.
Suliaq sivisusoq
Tassa januaarip ulluisa 22-anni, Birnap timaa immami nassaarineqaqqammersoq Islandip Nuummi aallartitaqarfiata silataani naneruutinik ikitsisoqarpoq.
- Nunatsinnit takutinneqartoq ataatsimoorneq Islandimiut assorujussuaq tiguartillutik takusimagamikku soorlumi nukissanik nassitsisoqartoq nunatsinnit misiginneqataallutik.
Toqutsisimasutut pasineqartup eqqartuunneqarnera sapaatit-akunneri pingasut qaangiuppata inernilerneqassaaq.
- Inernilertariaqalerpoq malunnarpoq, inuit ingerlaqqikkusupput aamma Birna eqqissiniassooq taanna immaqa pingaarnerpaavoq.