MIO lancerer ny kampagne

Innuttaasut naleqartitaat pitsaasut atorlugit meeqqat atugarisaat pitsanngorsarneqarsinnaapput.

Meeqqat illersuisuat Aviâja Egede Lynge, innuttaasut naleqartitaat pitsaasut Nunatsinnilu meeqqanik perorsaanermi isummersuutit pitsaasut immikkut sammillugit nutaamik suliniuteqarniartoq taama oqarpoq.

MIO tusagassiorfinnut nalunaaruteqarluni taama allappoq.

Misissuineq MIO-p HS-analysemut suliaritissimasaa naapertorlugu innuttaasut isumaqarput meeqqat perorsarneqarneranni naleqartitat pingaarnerpaat tassaasut asaneqarneq, ataqqeqatigiinneq, qanilaarneq, ataqatigiinneq ammasuunerlu.

Meeqqat Illersuisuata nuna tamakkingajallugu ukiut pingajuat qiteqqullugu sivisussuseqartumik angalasarnermini inersimasorpassuit meerarpassuillu oqaloqatigisarsimavai. Meerarpassuit ilaqutariippassuillu ajornartorsiuteqarnerat inersimasut akornanni nassuerutigineqarpoq.

Taamaammat naleqartitat pitsaasut tunngavigalugit tamatta ataatsimoorluta akisussaaffimmik tiguseqatigiissinnaavugut.

- Qanorluunniit tunuliaqutaqaraluarutta atugaqaraluaruttaluunniit meeqqanik perorsaanitsinni naleqartitagut ataatsimoorussaraagut. Nukittoqqutigullu taakkua eqqumaffigigutsigit taava meeqqatta atugarisaannik pitsanngorsaanissatsinnut kivitseqatigiinnissatsinnullu taakkua nukissaqartilissavaatigut, Meeqqat Illersuisuat Aviâja Egede Lynge taama oqarpoq.  

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat