Minkiuteqarfiliortoqarnissaanut akerliullutik atsiornernik katersisut

Narsami minkiuteqarfiliortoqarnissaannik Kommune Kujallermiit pilersaarusiarineqartoq akerliuffigalugu Kalaallit Nunaanni uumasut ikinngutaani ilaasortat atsiornernik katersipput.
Asseq toqqorsivimmit Assi © : Marcin Hernik/Flickr Creative Commons
Allattoq Jørgen Semionsen, Jaaku Lyberth, Kenneth Elkjær
maajip 03-at 2018 07:02

Kommune Kujallermi kommunalbestyrelsemi ilaasortat amerlanerussuteqartut, Narsami  minkiuteqarfiliornissamut siunnersuutaat maanna tusarniaassutigineqarpoq.  

Siunnersuutigineqartoq Kalaallit Nunaanni Uummasut ikinngutaasa akerleraat, taakkualu qarasaasiakkut atsiornernik katersipput mannalu tikillugu inuit 614-iut atsiorput.

Kalaallit Nunaanni Uumasut Ikinngutai sinnerlugit Inunnguaq Christiansen  atsiornernik katersinissamik suliniuteqarpoq.  

Taannami isumaqarpoq, minkiuteqarfiliortoqarpat tamanna Kalaallit Nunaata avataanit isigineqarneranut  ajoqusiissasoq aamma puisit amiisa avammut tunineqarnertarnerat Inunnguaq Christiansen isumaqarpoq.

AAMMA ATUARUK Naalakkersuisooqatigiilersut minkiiteqarfinnik terianniaateqarfinnillu pilersitserusupput

Kalaallit Nunaanni Uumasut ikinngutaasa isumaqatigaat, Kalaallit Nunaanni inuussutissarsiutinik nutaanik pisariaqartitsisoqartoq kisiannilu minkiuteqarfiliornissaq isumaqatiginagu

- Kalaallit naleqartitaasa attattuarnissaat pingaaruteqarpoq, nunarsuarmioqatigiillu pitsaasumik isiginninnerat attatiinnartariaqarpoq. Minkit uumasuunerat tamaat mattusimaneqarneranniit inuussutissarsiutit allat ingerlanneqarsinnaasut ikigisassaangillat, Inunnguaq Christiansen taama oqarpoq, taassuma kissaatigaa  minkiuteqarfik piviusunngussanngitsoq

Simon Simonsen Kommune Kujallermi inuussutissarsiuteqarnermut ataatsimiititalimi siulittaasup minkeqarfiliornissap ajornartorsiutaasinnaanera takusinnaanngilaa.

 

Aamma atuaruk