Ministeriuneq mianersoqquneqarsimavoq
Naalakkersuisut ataqatigiissaarisartuisa ataatsimiititaliaat Canadami ataatsimiinnissaq sioqqullugu ataatsimiimmata Lars Løkke Rasmussen nunanut allanut ministeriusimasumit, Per Stig Møllerimit mianersoqqutissimasoq, aviisimit Berlingske Tidendemit paasineqarpoq, aviisimullu taama paasissutissiisoq ministerit nuimasut ilagaat, ministerilu taanna ataqatigiissaarisartut ataatsimiititaliaanni ilaasortaavoq.
Lene Espersenip pisinnaajunnaarluni nalunaaratarsinnaanissaa ilisimanagu ministeriuneq arlaleriarluni oqartarpoq, taamaammat paasissutissat nutaat Socialdemokratineersup Morten Bødskovip tupaallaatigai:
- Taamaammat tamanna iternga tikillugu paasiniartariaqarparput, ministeriunermi kia taama ilisimatissimaneraa, qangalu paasisimaneraa erseqqissumik paasisariaqarparput, Morten Bødskov oqarpoq.
Per Stig Møllerip ministerilluunniit nuimasut sinneri ataatsimeeqataasut Berlingske Tidendemut oqaaseqarusunngillat, Lars Løkke Rasmussenili oqarpoq ministerit akornganni ataatsimiinnerit oqaaseqarfigiumanagit.
