Politikki

Ministereqarfiup issittoq pillugu nalunaarut kinguartippaa

Qallunaat illersornissaqarfiata Issittumi suliassaminik naammassinnittarneranik nassuiaat utaqqisaaleqisoq ukiortaap nalaani aatsaat piareerneqassaaq.

Allattoq Helle Nørrelund Sørensen

oktobarip 19-at 2015 13:40

Illersornissamut ministeri Venstremeersoq Peter Christensen Folketingip nunatsinnut tunngasunut ataatsimiititaliaanut akissuteqarlunni taama ilisimatitsivoq.
Nalunaarusiap siorna ukiup naannginnerani naammassineqareernissa naatsorsuutigineqaraluarpoq. Kisianni nunatsinni Inatsisaartunut siorna aamma Folketingimut aasaq manna juunimi qinersisoqarneranik peqquteqartumik kingusinaarunneqartoq, ministeri ataatsimiititaliamut allappoq.

Aamma atuaruk Arctic Response aallartereerpoq

Illersornissaqarfiup issittumik nakkutiginninnerulernissaa, nalunaasuiamik allattut illersornissamut ministereqarfimmeeersuusut inassutigissagaat naatsorsuutigineqarpoq. Tamanna qaammataasat, timmisartuaqqat inuttaqanngitsut radarillu atorlugit pissasoq ilimagineqarpoq.
Tamakku tamarmik issittup angallavigineqarneruleriartornerani politikkikkullu soqutigineqarneruleriartornerani isumannaallisaanissaq illersuinissarlu qulakkiissavaat.
Folketingimi partiit illersornissaq pillugu kingusinnerpaamik 2017-imi isumaqatigiissuteqassapput, tamatumanilu nunatsinnut tunngasut ilaassapput.