Arctic Response aallartereerpoq

Upalungaarsimaniarnermik sungiusarneq annertooq Nuup eqqaani Tunumilu Mestersvigip eqqaani ullumi ataasinngornermi aallartippoq.

Allattoq Inge S. Rasmussen

septembarip 21-at 2015 05:23

Nutserisoq Simon Uldum -

Sungiusarneq Arctic Response 2015-imik taaguuteqartoq arlalissuarnit, ilaatigut sakkutuunit immikkut sungiusakkanit, Jægerkorpsimit Frømandskorpsimillu peqataaffigineqarpoq. Aammali islandimiut amerikamiullu sakkutuui alapernaarsuisut sungiusarnermut peqataapput.

AAMMA ATUARUK Issittumi upalungaasimaniarnermut sungiusartoqalerpoq

Issittumi Sakkutooqarfik ilisimatitsivoq sungiusarneq Arctic Response ajunaarnersuaqartillugu iliuusissanik aappaagu maajimi juunimilu sungiusarnissamut annertuumut aallarniutaasoq. Ajunaarnersuaqarnerani iliuusissanik sungiusarneq taanna Grønland LIVEX 2016-imik taaguuteqarpoq.

Arctic Responsemi maanna ingerlanneqartumi danskit illersornissaqarfiata issittumi ajunaarnersuaqarneranut nammineq upalungaarsimaniarneranik sungiusarneruvoq, Grønland LIVEX-ilu tassaalluni ajunaarnersuaqarnerani upalungaarsimaniarnermik nunarput tamakkerlugu sungiusarneq.

Arctic Response tallimanngorpat septembarip 24-ata tungaanut ingerlanneqassaaq.

Arctic Response aallartereerpoq

Aamma atuaruk