Minguitsumik ineriartortitsinissamik pilersaarut saqqummiunneqarpoq

Canadami silap pissusiata allanngoriartornera akiorniarlugu minguitsumillu ineriartortitsinerup qulakkeerneqarnissaanut Canadami naalakkersuisut nunamut tamarmut atuuttussamik saqqummiussipput.

Silap pissusiata allanngoriartornerata akiorniarneqarnissaannut minguitsumillu ineriartornerup qulakkeerneqarnissaanut pilersaarut  Canadamut atuuttussaq ministeriunerup Trudeup ministerit qulit, Canadami nunap immikkoortuini pingasuni aqutsisut  kiisalu nunap inoqqaavisa aqutsisui peqatilugit tallimanngornermi  Ottawami ataatsimiinnerminni saqqummiuppaat.

Canadamut tamarmut pilersaarutip ilaanut Canadami naalakkersuisut naggueqatigiillu inuit siunissami suleqatigiinnissannut  ministeriuneq Trudeu aamma Inuit Taperiit Kanatami præsidenti Natan Obed isumaqatigiissuteqarput.

Naggueqatigiit inuit silap pissusiata allanngoriartornerata akiorniarneqarneranut minguitsumillu ineriartortitsinissamut naligiissumik suleqatiginissaannut ullumi isumaqatigiippugut, Trudeu aamma Inuit Tapiriit Kanatami præsidenti Natan Obed oqarput.

Ministeriuneq Trudeu aamma Natan Obed isumaqatigiissuteqarneq pillugu ilanngullugu oqarput,
naggueqatigiit inuit kattuffiisa isumaat qulakkeerniarlugit  piviusunngortinneqarnissaannullu  ataatsimiititaliamik pilersitsisoqarumaartoq aamma naggueqatigiit inuit ilisimasaat pilersaarummi ilanngunneqassammata.   Ataatsimiititaliaq siullermeerluni 2017-mi ataatsimiissasoq Marianne Stenbæk Canadami Montrealimiit ilanngutassiami taama oqaluttuarpoq.