USA-imi aallaasersortoqarnerani inuit arlallit toqutaasut
Inuit arlallit ikilerneqangaatsimasut napparsimmavimmi ikiorserneqarput.
Politiit tusagassiortunik ippassaq unnukkut katersuutitsinermi ilisimatitsissutigaat, pasineqartoq tigusarineqarsimasoq killissiorneqassasoq.
- Aaqqissuisoqarfik isumannaarneqareerpoq, allanillu aallaasersortoqarani, sunali pissutigalugu aallaasersortoqarnersoq suli ilisimaneqanngitsoq politiit ilisimatitsissutigaat.
Politiit ullaassaq ilisimatitsissutigaat tusagassiortut sisamat tuniniaanermilu suliaqartoq toqutaasimasut.
Guvernøri Larry Hogan, ullaassaq ilisimatitsivoq inuit arlallit toqutaasimasut.
Aallaasersornermut pasineqartoq qaamasumik amilik 38-nik ukioqarpoq.
Reuters allaaserisaqarpoq, politiit ilisimatitsissimasut atortumik qaarsinnaasumik nassaartoqarsimasoq.
Tusagassiortoq Phil Davis Twitterikkut allaserisaqarpoq, aallaasersortoq aaqqissuisoqarfiup allaffittaata tungaanut sulisut tungaanut sakkortuumik eqqarsimasoq.
Aaqqissuisoqarfik siusinnerusukkut siorasaarneqartarsimasoq aamma ilisimatitsissutigineqarpoq.
Tusagassiorfiit arlallit allaaseraat aallasersortutut pasineqartoq aviisimit 2012-imi nikanarsarneqarsimasutut eqqartuussivikkut suliassanngortitsisimasoq.
NBC naapertorlugu pasineqartoq uumisaarisimasutut suliamut atatillugu 2011-imi isumaqatigiissuteqarnikkut suliaq naammassineqarsimasutut aallaaserineqarpoq.
Suliarli uppernarsaatissaqanngimmat itigartitsissutigineqarsimasoq The New York Post allaaserisaqarpoq.
/ritzau/DR