Innimiilliorneragaasoq: Mikael Petersen politiinut suliassanngortinneqartoq

Politiit suliaq oqaaseqarfigerusunngilaat. Aamma Mikael Petersen oqaaseqarusunngilaq.
Assi © : KNR
Allattoq Virna Kromann
maajip 15-at 2020 04:35

Mikael Petersen arnanut qulinut Siumumut attuumassuteqartunut kinguaassiutitigut inniminniilliorsimasutut pasillerneqarluni politiinut suliassanngortinneqarsimasoq tusarfiit tutsuiginartut arlallit issuarneqarusunngittulli uppernarsarpaat.

Arnat qulit ilaatigut Folketingimut ilaasortap Aki-Matilda Høegh-Damip Mikael Petersen kinguaassiuutitigut innimiilliorsimasutut allakkatigut unnerluutigigaat Sermitsiaq AG-ip februaarip ulluisa 27-anni saqqummiuppaa.

Pisullu kingorna Siumumi siulersuisuunerit Mikael Petersen suliunnaarsikkallarpaat – Mikael Petersenillu partiimi atorfini tamatuma kingorna qimappaa.

Partii Naleqqami allattaanertut kingornatigut sulilerpoq.

Tusarfiit tutsuiginartut arlallit issuarneqarusunngitsulli naapertorlugit suliaq politiini misissuiffigineqarpoq. KNR-imiit saaffiginnissuterput politiit oqaaseqarfigerusunngilaat.

Mikael Petersen politiinit tusagaqaqqissimannginerarluni suliamut tunngatillugu KNR-imut oqaaseqarusunngilaq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk